قىرعىز-تەجٸك شەكاراسىنداعى كۋم-مازار ەلدٸ مەكەنٸندە تاعى اتىس بولدى. اقپاراتقا قاراعاندا, كيكٸلجٸڭ شەكاراسى ەلٸ انىقتالماعان داۋلى اۋماقتا بولعان, دەپ جازادى ازاتتىق.
قىرعىزستان ۇلتتىق قاۋٸپسٸزدٸك كوميتەتٸنە قاراستى شەكارا قىزمەتٸنٸڭ حابارلاۋىنشا, 24 شٸلدەدە شەكارا ماڭىندا تۇراتىن تەجٸك اۋىلىنىڭ تۇرعىندارى قىرعىز جاعىنىڭ كەلٸسٸمٸنسٸز "اۋماقتى قۇمنان تازارتۋ جۇمىستارىن" جٷرگٸزە باستاعان. وقيعا ورنىنا قىرعىز شەكاراشىلارى, جەرگٸلٸكتٸ بيلٸك ٶكٸلدەرٸ مەن تۇرعىندار جينالعان. قىرعىز جاعى جۇمىستى توقتاتۋدى تالاپ ەتكەن كەزدە تەجٸك جاعى ورىنداماعان.
"ونىمەن قويماي, تەجٸكستان ازاماتتارى قىرعىزستان ازاماتىن ۇرىپ-سوعۋعا تىرىستى. بۇدان سوڭ ەكٸ ەلدٸڭ تۇرعىندارى تٶبەلەسٸپ, بٸر-بٸرٸنە تاس اتقان" دەپ حابارلادى قىرعىزستان شەكارا قىزمەتٸ.
قىرعىز تارابىنىڭ ايتۋىنشا, تٶبەلەس كەزٸندە تەجٸك شەكاراشىلارى قىرعىز جاعىنا قاراي وق اتقان. بۇعان جاۋاپ رەتٸندە قىرعىز شەكاراشىلارى دا وق اتقان. شەكارا قىزمەتٸنٸڭ حابارلاۋىنشا, قىرعىزدار جاعىنان جارالانعاندار جوق.
ال تەجٸكتٸڭ چوركۋح اۋىلىنىڭ تۇرعىندارى قىرعىز شەكاراشىلارى بٸرٸنشٸ وق اتتى دەپ قىرعىز تارابىن كٸنەلادى. ولار ازاتتىقتىڭ تەجٸك قىزمەتٸنە وقيعا دەمالىس ورنىن تازالاۋ كەزٸندە بولعانىن حابارلاعان. تۇرعىنداردىڭ سٶزٸنە قاراعاندا, اتىس شامامەن ون مينۋتقا سوزىلعان. جەرگٸلٸكتٸ بيلٸك اقپاراتتى راستاپ, وقيعا ورنىنا قالا ەكٸمدٸگٸنٸڭ ٶكٸلدەرٸ بارعانىن ايتتى.
ازاتتىقتىڭ تەجٸك قىزمەتٸنٸڭ حابارلاۋىنشا, وقيعا كەزٸندە 19 جاستاعى تەجٸك شەكاراشىسى شۋحرات كۋربونوۆ جارالانعان. تارابىنان بٸر شەكاراشانىڭ جارالانعانى حابارلاندى. ول يسفارا قالاسىنىڭ ورتالىق اۋرۋحاناسىنا جەتكٸزٸلگەن.
اقپاراتقا قاراعاندا, قازٸر ەكٸ جاقتىڭ بيلٸك ٶكٸلدەرٸ مەسەلەنٸ تالقىلاپ جاتىر. وقيعا ورنىندا جاعداي تۇراقتى دەپ ايتىلادى.
قىرعىز-تەجٸك شەكاراسىنىڭ جالپى ۇزىندىعى – 970 شاقىرىم. قازٸرگە دەيٸن 504 كيلومەترٸنە دەليميتاتسييا جەنە دەماركاتسييا جٷرگٸزٸلگەن.
ال شەكارانىڭ كەلٸسٸلمەگەن تۇستارى سونداعى ەلدٸ مەكەندەردەگٸ سۋ, جەر جەنە ەلٸ انىقتالماعان شەكارانى كەسٸپ ٶتۋ مەسەلەلەرٸ داۋعا جيٸ سەبەپ بولادى. داۋدىڭ سوڭى جانجالعا ۇلاسىپ, تاراپتار بٸر-بٸرٸنە تاس اتادى, كەيدە قارۋدان وق اتادى.
28-30 سەۋٸردە قىرعىز-تەجٸك شەكاراسىندا بولعان جانجالدان 50-دەن استام ادام قازا بولعان, جٷزدەگەن ادام زارداپ شەككەن. (قىرعىز جاعى 36 قىرعىز ازاماتى, تەجٸك تارابى 19 ادامنىڭ وپات بولعانىن حابارلادى). ەكٸ جاق بٸر-بٸرٸن جاعدايدى ۋشىقتىردى دەپ ايىپتاپ, قىلمىستىق ٸستەر قوزعاعان.
8 شٸلدەدە شەكارادا تاعى اتىس بولىپ, سونىڭ سالدارىنان بٸر قىرعىز شەكاراشاسى مەرت بولعان.
