قىرعىز پرەزيدەنتٸ سادىر جاپاروۆ اقىلبەك جاپاروۆتى مينيسترلەر كابينەتٸ باسشىسىنىڭ مٸندەتٸن اتقارۋشى ەرٸ پرەزيدەنت ەكٸمشٸلٸگٸنٸڭ جەتەكشٸسٸ ەتٸپ تاعايىندادى.
وسىنىڭ الدىندا پرەزيدەنت سادىر جاپاروۆ مينيسترلەر كابينەتٸن وتستاۆكاعا جٸبەرگەن. بٸراق ولار ٷكٸمەتتٸڭ جاڭا قۇرامى قۇرىلعانشا, ۋاقىتشا جۇمىسىن جالعاستىرا بەرەدٸ.
قىرعىز پرەزيدەنتٸنٸڭ ٶزٸ بۇل تاعايىنداۋدىڭ سەبەبٸن ەلەۋمەتتٸك جەلٸ ارقىلى بىلاي دەپ تٷسٸندٸرەدٸ:
"بۇل ٶزگەرٸستەردٸڭ سەبەبٸ تۋرالى سۇراقتار قويىلىپ جاتىر. ەر مەملەكەتتٸڭ باستى ماقساتى – قازىنانى تولتىرۋ. قازىنا تولسا, ەلدٸڭ جاعدايى جاقسارادى, ايلىق كٶبەيەدٸ, ينفراقۇرىلىم جاقسارادى. سوندا عانا كٷشتٸ مەملەكەت بولا الامىز. اقىلبەك جاپاروۆپەن سٶيلەستٸم. ول بيىل بيۋدجەتتٸ 280 ميلليارد سوممەن جاۋىپ, كەلەر جىلى 400 ميلليارد سومعا كٶتەرەم دەپ سٶز بەردٸ. ەگەر مۇنى اتقارماسا, شارا قولدانام. جاپاروۆتىڭ ەربٸر قادامى مەنٸڭ باقىلاۋىمدا بولادى".
57 جاستاعى اقىلبەك جاپاروۆ ەكٸ رەت قارجى جەنە ەكونوميكا مينيسترٸ بولعان. وسىعان دەيٸن ول جوگوركۋ كەڭەشكە "بير بول" پارتيياسى اتىنان دەپۋتات بولىپ, "قۇمتٶر" ٸسٸنە قاتىستى كوميسسييانى باسقارعان.
