فوتو: Kezdesu جوباسىنىڭ ۆيدەوسىنان سكرينشوت
بٸرنەشە جىل بۇرىن ەكس-پرەزيدەنت نۇرسۇلتان نازارباەۆتىڭ باۋىرى, مارقۇم بولات نازارباەۆتىڭ توقالى بولعانىن اشىق ايتىپ, جۇرتتىڭ تالقىسىنا تٷسكەن ەنشٸ دينارا الجان Kezdesu جوباسىنا سۇحبات بەرٸپ, تاعى جەلٸنٸ دٷرلٸكتٸردٸ. ونىڭ ەرلەردٸڭ ەرەكەتٸ مەن وتباسىداعى رٶلٸ جايلى ايتقان ويلارى قوعامدى ەكٸگە جاردى, دەپ حابارلايدى Ult.kz.
سۇحبات بارىسىندا دينارا الجان ەر ازاماتتاردىڭ مٸنەز-قۇلقى تۋرالى كٶزقاراسىمەن بٶلٸسٸپ, بىلاي دەدٸ:
“قىدىرمايتىن ەركەكتٸ مەن ەركەك ەمەس دەپ ويلايمىن. ەر ازاماتتار جٷرۋٸ كەرەك, قىدىرۋى كەرەك, ولارعا ۋاقىت بەرۋ كەرەك. ەرقاشان ٷيلەنگەن ەيەلٸنٸڭ بەتٸنە قاراپ, باسقا ەيەلدەرمەن سٶيلەسپەسە, دامىماسا, مۇنداي ٶمٸر سالتى ەركەكتەردٸ جالىقتىرادى”, — دەدٸ ول.
ەنشٸنٸڭ پٸكٸرٸنشە, قارىم-قاتىناستا قىزعانىش تا, سەزٸمنٸڭ تٷرلٸ قىرى دا – قالىپتى دٷنيە. سوندىقتان ەگەر بٸر ەر ادامدى شىن سٷيسەڭ, كٶپ نەرسەگە تٶزەسٸڭ.
سونداي-اق دينارا الجان ەر مەن ەيەل اراسىنداعى بايلانىس قانداي بولۋى كەرەكتٸگٸ جٶنٸندە ٶز پايىمىمەن بٶلٸستٸ. ونىڭ بۇل سٶزدەرٸ جەلٸدە كەڭ رەزونانس تۋعىزىپ, پٸكٸر قالدىرعانداردىڭ باسىم بٶلٸگٸ ەنشٸنٸڭ كٶزقاراسىمەن كەلٸسپەيتٸنٸن جازعان. بٸرەۋلەر ونىڭ سٶزٸن ەر ادامداردى جاقتاۋ دەپ قابىلداسا, ەندٸ بٸرٸ مۇنداي كٶزقاراس قوعامعا زييان ەكەنٸن ايتۋدا.
ەنشٸنٸڭ داۋلى پٸكٸرٸ ەلەۋمەتتٸك جەلٸلەردە قىزۋ تالقىلانىپ, مىڭداعان قارالىم جيناپ جاتىر.
