كوروناۆيرۋسپەن اۋىرعان ادامداردىڭ جٷيكە جٷيەسٸ سىر بەرە باستاعان. ونىڭ ٷستٸنە ناۋقاستاردىڭ 80 پايىزىندا د دەرۋمەنٸ جەتٸسپەيدٸ, دەپ حابارلايدى «Qazaqstan» ۇلتتىق تەلەارناسى.
ماماندار جٷرگٸزگەن تالداۋ نەتيجەسٸندە اعزاداعى ٶزگە دە ۆيرۋستاردىڭ بەلسەندٸلٸگٸ ارتقان. ەسٸرەسە, ۇيقى بەزٸ, قان قىسىمى, بٷيرەك, اسقازان اۋرۋلارى سيياقتى ناۋقاستا بۇرىن-سوڭدى بولماعان اسقىنۋلار بايقالدى. بۇل - نەبەرٸ 50 ادامعا جٷرگٸزٸلگەن تالداۋدىڭ باستاپقى نەتيجەسٸ. وسى پوستكوۆيدتٸك سيندرومدى زەرتتەۋ جوباسىن جۋىردا ۇلتتىق كارديوحيرۋرگييا ورتالىعىنىڭ ماماندارى قولعا العان ەدٸ.
پوستكوۆيدتٸك جوبا ارقىلى دياگنوستيكادان ٶتٸپ جٷرگەندەردٸڭ بٸرٸ ايناگٷل جٷسٸپوۆا. كوروناۆيرۋستى 4 اي بۇرىن جۇقتىرعان. سالدارىن ەلٸ كٶرٸپ جٷر. ۆيرۋستان كەيٸن باسقا اۋرۋ تٷرلەرٸ اسقىنىپ كەتكەن. بۇرىن مٷلدە بولماعان قان قىسىمى جيٸ كٶتەرٸلٸپ, جٷيكەسٸ سىر بەرٸپ, ۇيقىسىزدىق مازالايدى.
«كوروناۆيرۋستان كەيٸن اسقازانىم اۋىردى. اسقازانىمنان كەيٸن داۆلەنييام كٶتەرٸلدٸ. كەيٸن قورقىنىش سترەسس پايدا بولدى. قازٸر مەنٸ مازالايتىن ۇيقىسىزدىق. قوبالجۋ. ەندٸ سول اۋرۋلار بويىنشا ەم قابىلداپ جاتىرمىن», - دەيدٸ قالا تۇرعىنى ايناگٷل جٷسٸپوۆا.
جوباعا قاتىسۋعا 50-گە جۋىق ادام نيەت بٸلدٸرگەن. تەكسەرۋدٸڭ العاشقى كەزەڭٸنٸڭ نەتيجەسٸنە سەيكەس, دەنەدە گەرپەس, تسيتومەگالوۆيرۋس, ەپشتەين بارر ۆيرۋستارىنىڭ بەلسەندٸلٸگٸ ارتقانى انىقتالدى. بۇل - قان قۇرىلىمى مەن ٸشكٸ ورگانداردى زاقىمدايتىن زيياندى ۆيرۋستار. سالدارىنان ارتەرييالدى گيپەرتەنزييا, بٷيرەك, اسقازان-ٸشەك جولدارىنىڭ اۋرۋى, ۇيقى بەزٸ, سوزىلمالى اۋرۋلار اسقىنعان. ەسٸرەسە, جٷيكە جٷيەسٸ اۋرۋلارىنا شاعىم كٶپ.
«كوروناۆيرۋستەن قورقۋ, جاعىمسىز جاڭالىقتاردى جاقىن قابىلداۋ, ٶلٸپ قالام با دەگەن ۋايىم. مۇنىڭ بەرٸ ميعا جينالىپ, كٶپ ادامداردا جٷيكە اۋرۋلارى پايدا بولعان. ۇيقىسىزدىق, شارشاۋ, سترەسكە بەرٸلۋدٸڭ سالدارىنان اعزادا ٶزگە اۋرۋلاردىڭ اسقىنۋى بايقالىپ جاتىر», - دەيدٸ ۇلتتىق عىلىمي كارديوحيرۋرگييالىق ورتالىعىنىڭ پسيحوتەراپەۆتٸ عالييا مۇقاتاەۆا.
اۋرۋى اسقىنعان پاتسيەنتتەردٸڭ ەڭ جاسى 30-دا. ۇيقىسىزدىق پەن ەلسٸزدٸككە شاعىمدانعان. ال ەڭ ٷلكەنٸ 83-تەگٸ قارييا. ول سوزىلمالى اۋرۋى سىر بەرگەنٸن ايتادى. ارنايى جاساقتالعان دەرٸگەرلٸك قۇرام وسى ناۋقاستارعا تيٸستٸ ەمشارا جٷرگٸزبەك.
«جوبانىڭ نەگٸزگٸ ماقساتى - ناۋقاستاردىڭ دەنساۋلىعىن وڭالتۋ. قازٸر ناۋقاستاردان كلينيكالىق, بيوحيمييالىق اناليزدەر الىپ, قان قۇرىلىمىن زەرتتەپ, اعزاداعى ۆيرۋستىڭ كونتسەنتراتسيياسىن انىقتاپ, پاتوگەندٸ فلورانى تەكسەرۋدەمٸز. سول نەتيجەلەر ارقىلى ٸندەتتٸڭ سالدارىنا زەرتتەۋ جٷرگٸزٸپ, اناليز جاساپ, ەمدەۋ مەحانيزمٸن مەڭگەرۋدٸ كٶزدەيمٸز», - دەيدٸ ۇلتتىق عىلىمي كارديوحيرۋرگييالىق ورتالىعى «پوستكوۆيدتٸك سيندروم» جوباسىنىڭ زەرتتەۋشٸ-دەرٸگەرٸ اينۇر تەۋەكەلوۆا.
پوستكوۆيدتٸك سيندرومدى زەرتتەۋ شەتەلدە بار تەجٸريبە. عىلىمي جوبانى ەلورداداعى ۇلتتىق كارديوحيرۋرگييالىق ورتالىعى دا ۇسىنىپ, بٸرنەشە مەديتسينالىق مەكەمە قولداۋ تانىتقان.
