«اتامەكەن» ۇلتتىق كەسٸپكەرلەر پالاتاسى قازاقستانداعى شيپاجايلار مەن بالالار لاگەرلەرٸندە كوروناۆيرۋس پەن پنەۆمونييامەن اۋىرىپ شىققان پاتسيەنتتەرگە وڭالتۋ كۋرسىن ٶتكٸزۋدٸ ۇسىندى, دەپ حابارلايدى قازاقپارات.
«وڭالتۋ كۋرسىنا قاتىستى ۇسىنىسىمىزدى دەنساۋلىق ساقتاۋ مينيسترلٸگٸ قولداپ وتىر. الايدا بۇل باستاما جٷزەگە اسىرىلۋ ساتىسىندا. شارۋانى بارىنشا سوزبالاڭعا سالماساق يگٸ ەدٸ. بٸز كوروناۆيرۋس پەن پنەۆمونييامەن اۋىرىپ جازىلعان پاتسيەنتتەردٸ وڭالتۋ كۋرسى شيپاجايلار مەن بالالار لاگەرلەرٸندە ٶتسە دەيمٸز», - دەدٸ «اتامەكەن» ۇلتتىق كەسٸپكەرلەر پالاتاسى باسقارما تٶراعاسىنىڭ ورىنباسارى يۋلييا ياكۋپباەۆا تۋريستٸك سالا مەسەلەلەرٸ بويىنشا ٶتكٸزٸلگەن ونلاين باسپاسٶز مەسليحاتىندا.
ونىڭ ايتۋىنشا بۇل رەتتە ٸسكە شيپاجايلاردان بٶلەك باسقا دا دەمالىس ورىندارىن پايدالانۋعا بولادى.
«وڭالتۋ كۋرستارىنان شيپاجايلاردا عانا ەمەس, بالالار لاگەرٸندە دە ٶتۋگە بولادى. الايدا بۇل جەردە ناقتى تەتٸكتٸ رەتتەپ الۋ كەرەك», - دەدٸ ول.
يۋلييا ياكۋپباەۆا بۇل باستاما تۋريستٸك سالانى از دا بولسىن قولداۋعا مٷمكٸندٸك تۋعىزادى.
