كٷزدە كوروناۆيرۋستىڭ ەكٸنشٸ تولقىنى كەلسە, كارانتيندٸك شارالار قابىلدانۋى مٷمكٸن. بۇل تۋرالى قر دەنساۋلىق ساقتاۋ ۆيتسە-مينيسترٸ ليۋدميلا بيۋرابەكوۆا مەلٸم ەتتٸ, دەپ حابارلايدى قازاقپارات.
ونلاين تەرتٸپتە ٶتكەن باسپاسٶز مەسليحاتىندا كٷزدە كوروناۆيرۋستىڭ ەكٸنشٸ تولقىنى بولاتىندىعى تۋرالى پٸكٸرلەرگە قاتىستى سۇراق قويىلدى. بۇل تۇرعىدا كەسٸپورىنداردىڭ جۇمىسىنا شەكتەۋ ەنگٸزۋ مٷمكٸندٸگٸ جايىندا سۇرالدى.
«شىنىمەن دە كٷزدە بٸز ۆيرۋستىڭ ەكٸنشٸ تولقىنى كەلۋٸ مٷمكٸن ەكەنٸن جوققا شىعارمايمىز. الايدا كٷزدە قابىلداناتىن شارالار جاعدايعا قاراي ٸسكە اسىرىلادى, ياعني سول كەزدەگٸ ەپيدەميولوگييالىق احۋال نازارعا الىنادى. كٷزدە قانداي دا بٸر كارانتيندٸك شارالار قابىلدانۋى مٷمكٸن, بۇل قادامدار ٸندەتتٸڭ تارالۋى قاۋپٸنە بايلانىستى بولادى», - دەدٸ ۆيتسە-مينيستر.
بۇدان بۇرىن حابارلانعانداي, قر دسم قوعامدىق دەنساۋلىق ساقتاۋ ۇلتتىق ورتالىعى ديرەكتورى دامير كٶبجاساروۆ كوروناۆيرۋستىڭ ەكٸنشٸ تولقىنى قاي كەزدە كەلۋٸ مٷمكٸن ەكەنٸن ايتتى.
«ٸندەت جۇقتىرۋ كٶرسەتكٸشتەرٸ ارتۋىنىڭ ەكٸنشٸ كەزەڭٸ كٷز مەرزٸمٸنٸڭ ەكٸنشٸ بٶلٸگٸنە كەلۋٸ مٷمكٸن. ەل حالقى ۆيرۋستىڭ بار ەكەنٸن ۇمىتپاۋى كەرەك. بۇل ٸندەت بارشا ەلەمدە تولىقتاي جويىلمادى. كەيبٸر ادامداردا بۇل اۋرۋ ەشبٸر بەلگٸلەرسٸز بولادى, كەيٸننەن بۇل ينفەكتسييا اعزاسى ٸندەتكە سەزٸمتال كٸسٸلەرگە جۇعۋى مٷمكٸن», - دەدٸ د. كٶبجاساروۆ ونلاين تەرتٸپتە ٶتكەن بريفينگتە.
