فوتو: اشىق دەرەككٶز
اباي وبلىسىندا كٷيەۋٸن قۇتقارماق بولعان ەيەلدٸڭ ٸسٸ قايتا قارالىپ, ول سوت زالىنان بوساتىلدى, دەپ حابارلايدى Ult.kz.
وقيعا 2024 جىلدىڭ شٸلدەسٸندە بولعان. ٸس ماتەريالدارىنا سەيكەس, ەيەل كٷيەۋٸن تۇنشىقتىرىپ جاتقان ەر ادامدى توقتاتپاق بولىپ, وعان اعاش سىنىعىمەن بٸر رەت قاتتى سوققى جاساعان. سول سەتتە شابۋىلداۋشى ونىڭ كٷيەۋٸنٸڭ موينىن اياعىمەن باسىپ تۇرعان. اۋىر جاراقات العان ەر ادام وقيعا ورنىندا كٶز جۇمدى.
قىلمىستىق ٸستەر جٶنٸندەگٸ كاسساتسييالىق سوت مەلٸمەتٸنشە, العاشقى سوت ينستانتسيياسى ەيەلدٸ ابايسىزدا ادام ٶلٸمٸنە ەكەپ سوققان اۋىر دەنە جاراقاتىن كەلتٸردٸ دەپ تانىپ, 6 جىلعا باس بوستاندىعىنان ايىرعان. سونىمەن قاتار, 3 ميلليون تەڭگە مورالدىق ٶتەماقى تٶلەۋ مٸندەتتەلگەن. اپەللياتسييا بۇل ٷكٸمدٸ ٶزگەرٸسسٸز قالدىردى.
الايدا قورعاۋشى تاراپ ەيەلدٸڭ ەرەكەتٸ كٷيەۋٸن قورعاۋ ماقساتىندا جاسالعانىن العا تارتىپ, ٸستٸ قايتا قاراۋدى تالاپ ەتكەن.
كاسساتسييالىق سوت بۇل ۋەجبەن كەلٸسٸپ, ەيەلدٸڭ قورعانۋ ماقساتىندا ەرەكەت ەتكەنٸن راستادى. دەگەنمەن, ول قاجەتتٸ قورعانىس شەگٸنەن اسىپ كەتكەن دەپ تانىلدى.
سوت ونىڭ جاساعان ٸسٸنە ٶكٸنۋٸن, كەمەلەتكە تولماعان بالاسىنىڭ بارىن, مٷگەدەكتٸگٸن جەنە وقيعاعا جەبٸرلەنۋشٸنٸڭ ٶزٸ سەبەپ بولعانىن ەسكەردٸ.
