Foto: ashyq derekkóz
Abai oblysynda kúieýin qutqarmaq bolǵan áieldiń isi qaita qaralyp, ol sot zalynan bosatyldy, dep habarlaidy Ult.kz.
Oqiǵa 2024 jyldyń shildesinde bolǵan. Is materialdaryna sáikes, áiel kúieýin tunshyqtyryp jatqan er adamdy toqtatpaq bolyp, oǵan aǵash synyǵymen bir ret qatty soqqy jasaǵan. Sol sátte shabýyldaýshy onyń kúieýiniń moinyn aiaǵymen basyp turǵan. Aýyr jaraqat alǵan er adam oqiǵa ornynda kóz jumdy.
Qylmystyq ister jónindegi kassatsiialyq sot málimetinshe, alǵashqy sot instantsiiasy áieldi abaisyzda adam ólimine ákep soqqan aýyr dene jaraqatyn keltirdi dep tanyp, 6 jylǵa bas bostandyǵynan aiyrǵan. Sonymen qatar, 3 million teńge moraldyq ótemaqy tóleý mindettelgen. Apelliatsiia bul úkimdi ózgerissiz qaldyrdy.
Alaida qorǵaýshy tarap áieldiń áreketi kúieýin qorǵaý maqsatynda jasalǵanyn alǵa tartyp, isti qaita qaraýdy talap etken.
Kassatsiialyq sot bul ýájben kelisip, áieldiń qorǵaný maqsatynda áreket etkenin rastady. Degenmen, ol qajetti qorǵanys sheginen asyp ketken dep tanyldy.
Sot onyń jasaǵan isine ókinýin, kámeletke tolmaǵan balasynyń baryn, múgedektigin jáne oqiǵaǵa jábirlenýshiniń ózi sebep bolǵanyn eskerdi.
