قىزعا قۇدا تٷسٸپ (بٷگٸندە سىرعا سالۋ دەپ تە اتاپ جٷرمٸز) نەمەسە الىستان قىزى تٶركٸندەپ كەلٸپ جاتقاندا دا كٷيەۋ بالاعا ارناپ تٶس تارتىپ جاتامىز. قانشا قۇرمەتتەپ, ەسپەتتەپ جاتسا دا, كٷيەۋ بالانىڭ سول تٶستٸ تازالاپ مٷجٸپ جاتقانىن ٶز باسىم كٶرمەپپٸن. شىنىندا دا, كٷيەۋ بالاعا تٶستٸ نە ٷشٸن تارتادى? ونىڭ مەنٸ مەن ماعىناسى قانداي? سٸز بٸلەسٸز بە?
بٸز قوناعى اسىقپاسا ەت اساتىن, قونا جاتسا قوي سوياتىن حالىقتىڭ ۇرپاعىمىز عوي. كەلگەن مەيمانىمىزعا شاما-شارقىمىزعا قاراي سىي-قۇرمەت كٶرسەتۋگە تىرىسامىز. ەلبەتتە, سول سىيلى قوناقتاردىڭ قاتارىنا كٷيەۋ بالا دا بار. «پايعامبار دا كٷيەۋ بالاسىن سىيلاعان» دەپ جاتاتىنى سوندىقتان بولار. ەر شاڭىراقتا كٷيەۋ بالاعا ارناپ تٶس ساقتايدى. قىسقاسى, سانامىزعا سٸڭٸپ قالعان ەدەت بولعان سوڭ با, ەيتەۋٸر «تٶس – كٷيەۋ بالانٸكٸ» ەكەنٸن جاقسى بٸلەمٸز. بٸراق ونى نە ٷشٸن كٷيەۋ بالاعا بەرەدٸ? تاباق تارتۋ ەدەبٸندەگٸ كٶپ جٸلٸكتٸ بٸلسەم دە, دەل وسى كٷيەۋ بالانىڭ سىباعاسىنا قاتىستى ونشا مەلٸمەت بٸلمەيدٸ ەكەنمٸن. كٶكەيٸمدەگٸ ساۋالدى جاسقا دا, جاسامىسقا دا قويىپ كٶردٸم. ەشكٸم ماردىمدى جاۋاپ بەرە العان جوق. سوسىن ٷيگە, ەكەمە حابارلاستىم. جاسى جەتپٸستەن اسسا دا, قولىنان كٸتابىن تاستامايتىن قارييانىڭ سۇراعىما ەش كٸدٸرمەي جاۋاپ بەرگەندە «قارتى بار ٷيدٸڭ – قازىناسى بار» دەپ سٷيسٸندٸم. ەكەمنٸڭ ايتۋىنشا, تٶس تارتۋدىڭ ماعىناسى – كٷيەۋ بالاعا تٶس ەكٸ قابىرعالى ەلدٸ تٶسپەن بٸرٸكتٸرگەندەي سٸڭٸمدٸ بولسىن دەگەندٸ بٸلدٸرەتٸن كٶرٸنەدٸ. ودان بٶلەك, كٷيەۋ بالا تٶس سەكٸلدٸ مايلى بولسىن, تۋعان-تۋىسىنا جايلى بولسىن دەگەننەن تۋعان وي ەكەن.
