شىمكەنتتٸك قۇرمەت تالاپقازى باستاعان ەرٸكتٸلەر ماڭعىستاۋداعى قۋاڭشىلىقتان جۇتاعان ەلگە ارناپ دايىنداعان كٶمەكتٸڭ العاشقى لەگٸن جەتكٸزٸپ بەردٸ, دەپ حابارلايدى قازاقپارات.
قۇرمەت تالاپقازىنىڭ باستاماسى تالاي جاندى بەيجاي قالدىرماعانىن بۇدان بۇرىن جازعان ەدٸك. ەۋەلدە تالاي ادام ٸسكە اساتىنىنا كٷمەنمەن قاراعان «ماڭعىستاۋعا شٶپ كٶمەك» ناۋقانى كەڭ ەتەك جايىپ كەلەدٸ. توپ جەتەكشٸسٸ قۇرمەت تالاپقازى 10 ۆاگون شٶپتٸ ماڭعىستاۋعا ٶزٸ ارنايى بارىپ, جەتكٸزٸپ بەردٸ. ەندٸ بۇل ٸستٸڭ باسى-قاسىنداعى ەرٸكتٸلەردٸ «باستاماشىل توپ» دەپ اتاۋدىڭ ٶزٸ دۇرىس بولمايتىن سيياقتى. ٶيتكەنٸ باستاما رەسپۋبليكالىق اۋقىمعا شىعىپ وتىر. ونى بٸر اپتادان بەرٸ قۇرمەتتٸڭ قولىن ۇزارتىپ, شٶپ جيناۋ جۇمىستارىن ۇيىمداستىرىپ جٷرگەن تالدىقورعاندىق مۇراتبەك سولتانباي ايتتى. قاراپايىم اۋىل تۇرعىندارىنان بٶلەك, ٸرٸ كەسٸپورىندار دا بايلانىسقا شىعىپ, كٶمەك ۇسىنا باستاعان كٶرٸنەدٸ. الماتى وبلىسىنىڭ اۋىلدارى «سارىاعاش جاقتا شٶپ بٸتسە, بٸزگە كەلٸڭدەر» دەپ دۇعاي سەلەم جولداپتى. ال شىعىس قازاقستاننىڭ بٸر ازاماتى جالعىز ٶزٸ 10 ۆاگون شٶپ باسىپ بەرۋگە دايىن ەكەنٸن ايتىپ, شاقىرعان كٶرٸنەدٸ. «قوستانايداعى تراكتور شىعاراتىن «ەۋرازييا-گۋرپپ» كومپانيياسىنىڭ باسشىلارى بايلانىسقا شىعىپ, سارىاعاشقا بٸر تراكتوردى شٶپ پرەستەيتٸن تەحنيكاسىمەن بٸرگە جٸبەرگەندەرٸن ايتتى. قاجەت بولسا, باسقا ٶڭٸرلەرگە دە جٸبەرەمٸز, قانشا تەحنيكا كەرەك ەكەنٸن ايتىڭدار دەپ وتىر. ول تراكتور كٷزگە سەندەردٸڭ يەلٸكتەرٸڭدە بولسىن دەپ قۋانتتى», - دەيدٸ مۇراتبەك سولتانباي.
سونىمەن ماڭعىستاۋعا 10 ۆاگون شٶپ جەتتٸ. بٸر اي بويى وڭتٷستٸكتەگٸ اعايىننىڭ تابان ەت, ماڭداي تەرٸمەن جينالعان جەمشٶپ ماڭعىستاۋلىقتارعا تالان-تاراجعا تٷسپەي ٷلەستٸرٸلۋٸ ٷشٸن جەرگٸلٸكتٸ جۇرت ٸشٸنەن بٸرنەشە جٸگٸت ٸرٸكتەلٸپ, باقىلاۋ سولارعا جٷكتەلگەن ەكەن. سولاردىڭ بٸرٸ مۇحانبەت بورانباەۆ بٸر عانا بەينەۋ اۋدانىنا قاراستى تٶلەپ, سىڭعىرلاۋ, تەجەن, اقجٸگٸت, سام, نوعايتى, تۇرىش, سارعا, ەسەت, بورانقۇل ەلدٸ مەكەندەرٸنٸڭ ٸشٸندەگٸ ساناۋلى مۇقتاج جاندارعا تاراتىلعانىن ايتادى. «ەر وتباسىعا 10 تەكشە ٷلەستٸرگەندە, 130-140 ٷيگە بەرٸلدٸ», - دەيدٸ ەرٸكتٸ.
ماڭعىستاۋعا جەتكەن 10 ۆاگون شٶپتٸڭ العاشقى بەسەۋٸنە 1ملن 975 مىڭ تەڭگە تٶلەگەن بولاتىن. كەيٸنگٸ 5 ۆاگوندى تاسىمالداۋشىلار تەگٸن ۇسىنعان ەكەن. قازٸر ەرٸكتٸلەر جيناعان 10 ۆاگون شٶپ ٶز كەزەگٸن كٷتٸپ وتىر. 5 ۆاگون شٶپ تيەلٸپ قويعانىمەن, ۆاگون يەلەرٸ اقى سۇراپ وتىرعان كٶرٸنەدٸ. «العاشقى 5 ۆاگوننىڭ ەرقايسىسىنا 395 مىڭنان تٶلەپ جٸبەرگەن ەدٸك. كەيٸنگٸلەر تەگٸن بولادى دەپ قۋانتقان. ەكٸنشٸ لەك وسىلايشا تەگٸن جەتكٸزٸلدٸ. ال ٷشٸنشٸ لەك كەشە تٷندە شىعىپ كەتۋٸ كەرەك ەدٸ. تاسىمالداۋشىلار ايتقاندارىنان اينىپ, ەر ۆاگونعا 500 مىڭ تەڭگە تٶلەڭٸزدەر دەپ وتىر. ونىڭ ٷستٸنە شٶپ تيەلگەن ۆاگونداردىڭ قاڭتارىلىپ تۇرعانى ٷشٸن ەر ۆاگونعا ٶسٸمپۇل تٶلەۋ كەرەك ەكەن. باسىندا تەگٸن بولادى دەگەنگە سەنٸپ, تيەپ تاستاعان ەدٸك. ەندٸ جەردەگٸ 5 ۆاگون شٶپتٸ تيەتۋدەن قورقىپ وتىرمىز. تەپ-تەۋٸر باستالعان ٸس وسىلايشا كەدەرگٸگە تاپ بولدى», - دەيدٸ وسى ٸستە جاستارعا باس-كٶز بولىپ, باعىت سٸلتەپ جٷرگەن سايلاۋباي قاجى مەيٸربەكوۆ.
قۇرمەت تالاپقازى بۇعان بولا تۋىن تٷسٸرمەيتٸنٸن ايتتى. «قاراپايىم حالىقتىڭ بٸر-بٸرٸنە دەگەن جاناشىرلىعىن كٶرٸپ تۇرىپ, ورتا جولدان قايتپايمىن. تٸپتٸ سوناۋ رەسەي مەن مونعولييانىڭ قازاقتارى حابارلاسىپ, كٶمەك ۇسىنىپ جاتىر. بۇل جۇمىس سارىاعاشپەن عانا توقتالمايدى. بۇيىرسا, الماتى وبلىسىنا, كەيٸن شىعىس قازاقستانعا كٶشٸپ, سول جاقتان جەمشٶپ جينايمىز. ورال جاقتان دا شاقىرىپ جاتقاندار بار. قار تٷسكەنشە تىنىم تاپپايمىز دەپ شەشتٸك. ٶيتكەنٸ جۇتاعان مالعا ەلٸ كٶپ ازىق جيناۋ كەرەك. ماڭعىستاۋدى بٸرشاما قامداساق, قىزىلوردا وبلىسىنىڭ ارال اۋدانىنا دا كٶمەكتەسكٸمٸز كەلەدٸ», - دەيدٸ قۇرمەت تالاپقازى.
