«بارىس» بٷگٸن قۇرلىقتىق حوككەي ليگاسىنداعى كەزەكتٸ ويىنىن ەلوردادا «سوچي» كومانداسىنا قارسى ٶتكٸزدٸ, دەپ حابارلايدى قازاقپارات.
كەزدەسۋدٸ قوس كوماندا بەلسەندٸ باستادى. العاشقى سەتتە رەسەيلٸك كلۋب حوككەيشٸلەرٸ «بارىس» قاقپاسى ماڭىندا جيٸ بوي كٶرسەتتٸ.
بٸرٸنشٸ كەزەڭنٸڭ 4-مينۋتىندا ولاردىڭ قاتارىنان كيريلل پەتكوۆ «سوچي» كومانداسىن العا شىعاردى. ودان كەيٸن قازاقستاندىق كلۋبتان ەليحان ەسەتوۆ 9, رومان ساۆچەنكو 14-مينۋتتاردا مەرگەندٸك تانىتتى.
ەكٸنشٸ كەزەڭدە ياكوب ليليا 29, 39-مينۋتتاردا قوس گولدىڭ اۆتورى اتاندى.
ٷشٸنشٸ كەزەڭدە دە ايدىن يەلەرٸ باسىمدىقتى ارتتىردى. نەتيجەسٸندە «بارىس» حوككەيشٸسٸ كيريلل ساۆيتسكيي 49-مينۋتتا كٶزدەگەن نىسانادان مٷلت كەتكەن جوق. ال رەسەيلٸك كلۋبتان 59-مينۋتتا يانيس ياكس قورىتىندى ەسەپتٸ بەلگٸلەدٸ.
وسىلايشا «بارىس» قارسىلاسىنان 5:2 ەسەبٸمەن باسىم تٷستٸ.
قازٸر «بارىس» 37 ويىننان كەيٸن 36 ۇپايمەن تۋرنير كەستەسٸندە 20-ورىننان 18-ورىنعا كٶتەرٸلدٸ.
ەندٸ ەلوردالىق كلۋب كەلەسٸ كەزدەسۋٸن ەلوردادا 10 جەلتوقساندا قىتايدىڭ «كۋنلۋن رەد ستار» كومانداسىنا قارسى ٶتكٸزەدٸ.
