«بارىس» بٷگٸن قۇرلىقتىق حوككەي ليگاسىنداعى كەزەكتٸ ويىنىن ەلوردادا رەسەيدٸڭ «دينامو» (مەسكەۋ) كومانداسىنا قارسى ٶتكٸزدٸ, دەپ حابارلايدى قازاقپارات.
ويىن بارىسىندا رەسەيلٸك كوماندانىڭ بەلسەندٸلٸگٸ بايقالىپ تۇردى. نەتيجەسٸندە ولاردىڭ تاراپىنان انتون ۆەدين نەبەرٸ 19 سەكۋندتا مەرگەندٸك تانىتتى.
ودان كەيٸن ۆياچەسلاۆ ۆونيوۆ - 3, وسكار ليندبەرگ 7-مينۋتتاردا ەسەپتٸ ٷستەمەلەي تٷستٸ.
ەكٸنشٸ كەزەڭدە «بارىس» ساپىنان كودي كۋنيك 37-مينۋتتا ەسەپ ايىرماسىن قىسقارتقان ەدٸ.
الايدا, ودان كەيٸن رەسەيلٸك ۆاديم شيپاچيوۆ 40-مينۋتتا باسىمدىقتى قايتادان ارتتىردى.
ال 48-مينۋتتا قازاقستاندىق كلۋبتان كيورتيس ۆالك كٶزدەگەن نىسانادان مٷلت كەتكەن جوق.
وسىلايشا «بارىس» قارسىلاسىنا 2:4 ەسەبٸمەن ەسە جٸبەردٸ.
ايتا كەتسەك, ەندٸ «بارىس» كەلەسٸ ويىنىن 4 جەلتوقساندا رەسەيدە «نەفتەحيميك» (نيجنەكامسك) كومانداسىنا قارسى ٶتكٸزەدٸ.
