سەناتتىڭ جالپى وتىرىسىندا قر ٷكٸمەتٸنٸڭ جەنە رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ 2020 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەپتەرٸن تالقىلاۋ كەزٸندە سەناتور اقىلبەك كٷرٸشباەۆ اگرارلىق عىلىمدى دامىتۋ مەسەلەسٸن كٶتەردٸ, دەپ حابارلايدى قازاقپارات.
«قازٸر بٸز سالانى عىلىمي قامتاماسىز ەتۋدەگٸ ارتتا قالۋشىلىقتان اگرارلىق ٶندٸرٸستٸڭ قانداي شىعىنعا ۇشىراپ جاتقانىن ٶز كٶزٸمٸزبەن كٶرٸپ وتىرمىز. قارجى مينيسترلٸگٸ عىلىمدى جەتكٸلٸكسٸز قارجىلاندىرۋدى بيۋدجەت تاپشىلىعىمەن تٷسٸندٸرەدٸ. بٸراق جىل سايىن 7 ملرد تەڭگەگە جۋىق بيۋدجەت قاراجاتى شەتەلدٸك سەلەكتسييا تۇقىمدارىن سۋبسيدييالاۋعا جۇمسالادى. ال اسىل تۇقىمدى مالدى شەتەلدەن ساتىپ الۋعا 500 ملن اقش دوللارىنان استام قاراجات كەتتٸ. ولاردىڭ بٸر بٶلٸگٸ مەملەكەتتٸك سۋبسيدييالار بولىپ تابىلادى. اگرارلىق عالىمدارىمىز جارتى جىلدان بەرٸ مەملەكەتتٸك قارجىلاندىرۋدان تىس قالىپ وتىرعان جاعدايدا, اگرارلىق عىلىمدى دامىتۋعا قاتىستى قانداي سٶز ايتا الامىز», - دەدٸ كٷرٸشباەۆ.
وسى ورايدا ول اگرارلىق عىلىمي زەرتتەۋلەردٸ ۇيىمداستىرۋدىڭ جاڭا, تيٸمدٸ فورماتىن ۇسىندى.
«بٸرٸنشٸدەن, اۋىلشارۋاشىلىق ٶندٸرٸسٸنٸڭ سۇرانىسىن ٶتەي المايتىن «شيكٸ» عىلىمي ەزٸرلەمەلەردٸڭ پايدا بولۋ سەبەپتەرٸنٸڭ بٸرٸ – اگرارلىق زەرتتەۋلەردٸ جٷرگٸزۋ مەرزٸمٸنٸڭ ٷش جىلمەن شەكتەلۋٸ. وسىنداي قىسقا ۋاقىت ٸشٸندە ەلەمدە ەش جەردە جاڭا سورتتار مەن اگروتەحنولوگييالار جاسالمايدى. سوندىقتان اگرارلىق سالادا العا قويىلعان مٸندەتتەرگە بايلانىستى جەنە عىلىمي ەزٸرلەمەلەردٸ ٶندٸرٸسكە ەنگٸزۋدٸ ەسكەرە وتىرىپ, 5-15 جىلعا ارنالعان ۇزاق مەرزٸمدٸ عىلىمي-تەحنيكالىق باعدارلامالار ەنگٸزۋدٸ ۇسىنامىز. ەكٸنشٸدەن, مۇنداي زەرتتەۋلەردٸڭ تاقىرىبىن اۋىل شارۋاشىلىعى ٶنٸمدەرٸن ٶندٸرۋشٸلەردٸڭ ۇسىنىستارىن نەگٸزگە الا وتىرىپ انىقتاۋ قاجەت, ولار سالانىڭ ستراتەگييالىق ماڭىزدى مٸندەتتەرٸن شەشۋگە باعىتتالىپ, كونكۋرستان تىس, ياعني كونكۋرسسىز ٸسكە اسىرىلۋى تيٸس», - دەدٸ سەناتور.
