Senattyń jalpy otyrysynda QR Úkimetiniń jáne Respýblikalyq biýdjettiń atqarylýyn baqylaý jónindegi esep komitetiniń 2020 jylǵy respýblikalyq biýdjettiń atqarylýy týraly esepterin talqylaý kezinde senator Aqylbek Kúrishbaev agrarlyq ǵylymdy damytý máselesin kóterdi, dep habarlaidy QazAqparat.
«Qazir biz salany ǵylymi qamtamasyz etýdegi artta qalýshylyqtan agrarlyq óndiristiń qandai shyǵynǵa ushyrap jatqanyn óz kózimizben kórip otyrmyz. Qarjy ministrligi ǵylymdy jetkiliksiz qarjylandyrýdy biýdjet tapshylyǵymen túsindiredi. Biraq jyl saiyn 7 mlrd teńgege jýyq biýdjet qarajaty sheteldik selektsiia tuqymdaryn sýbsidiialaýǵa jumsalady. Al asyl tuqymdy maldy shetelden satyp alýǵa 500 mln AQSh dollarynan astam qarajat ketti. Olardyń bir bóligi memlekettik sýbsidiialar bolyp tabylady. Agrarlyq ǵalymdarymyz jarty jyldan beri memlekettik qarjylandyrýdan tys qalyp otyrǵan jaǵdaida, agrarlyq ǵylymdy damytýǵa qatysty qandai sóz aita alamyz», - dedi Kúrishbaev.
Osy oraida ol agrarlyq ǵylymi zertteýlerdi uiymdastyrýdyń jańa, tiimdi formatyn usyndy.
«Birinshiden, aýylsharýashylyq óndirisiniń suranysyn ótei almaityn «shiki» ǵylymi ázirlemelerdiń paida bolý sebepteriniń biri – agrarlyq zertteýlerdi júrgizý merziminiń úsh jylmen shektelýi. Osyndai qysqa ýaqyt ishinde álemde esh jerde jańa sorttar men agrotehnologiialar jasalmaidy. Sondyqtan agrarlyq salada alǵa qoiylǵan mindetterge bailanysty jáne ǵylymi ázirlemelerdi óndiriske engizýdi eskere otyryp, 5-15 jylǵa arnalǵan uzaq merzimdi ǵylymi-tehnikalyq baǵdarlamalar engizýdi usynamyz. Ekinshiden, mundai zertteýlerdiń taqyrybyn aýyl sharýashylyǵy ónimderin óndirýshilerdiń usynystaryn negizge ala otyryp anyqtaý qajet, olar salanyń strategiialyq mańyzdy mindetterin sheshýge baǵyttalyp, konkýrstan tys, iaǵni konkýrssyz iske asyrylýy tiis», - dedi senator.
