شەكارا تٷبٸندەگٸ ەركٸن ەكونوميكالىق ايماقتىڭ قۇرىلىسىن تولىق اياقتاۋ تاياۋداعى ەكٸ-ٷش جىلدىڭ ٸشٸندە جٷزەگە اسپاق. بۇل جەردە 30 مىڭ ادامدى جۇمىسپەن قامتۋ كٶزدەلگەن. كەلەشەكتە دەل وسى جەردەن 100 مىڭ تۇرعىنى بار شىرايلى قالانىڭ ٸرگەتاسى قالانادى. بۇل تۋرالى مەدەنيەت جەنە سپورت مينيسترٸ ارىستانبەك مۇحامەديۇلىنىڭ الماتى وبلىسىنا جاساعان ٸسساپارى بارىسىندا ايتىلدى. شەكارا شەبٸندەگٸ اۋدانعا ات باسىن بۇرعان قۇرمەتتٸ قوناقتاردى وبلىس ەكٸمٸنٸڭ ورىنباسارى ايداربەك بايجانوۆ «قورعاس» شەكارا ماڭى ىنتىماقتاستىعىنىڭ حالىقارالىق ورتالىعىنا الىپ باردى.
دەلەگاتسييا الدىمەن ورتالىقتىڭ بٸرٸنشٸ باقىلاۋ-ٶتكٸزۋ پۋنكتٸنە كەلدٸ. مۇندا «قورعاس – شىعىس قاقپاسى» ەركٸن ەكونوميكالىق ايماعى پارتييا كوميتەتٸنٸڭ مٷشەسٸ, ورتالىقتىڭ قىتاي بٶلٸگٸ باسشىسىنىڭ ورىنباسارى گۋو تسزيانبين قازاقستاندىق قوناقتاردى ٷلكەن قۇرمەتپەن قارسى الدى. گۋو مىرزا ەكٸجاقتى كەزدەسۋ بارىسىندا قازاقستان مەن قىتاي ەلٸ اراسىنداعى تاريحي, مەدەني بايلانىستى ەرەكشە اتاپ ٶتٸپ, بٷگٸنگٸ تاڭداعى بٸرلەسكەن جوبالاردىڭ ستراتەگييالىق ماڭىزدىلىعىنا, دوستىق پەن ەرٸپتەستٸكتٸ نىعايتاتىن ماڭىزدى كەلٸسٸمدەرگە توقتالدى. قىتاي تاراپىنىڭ ٶكٸلٸ, ەسٸرەسە, قازاقستان مەن قىتايدىڭ ترانزيتتٸك ەلەۋەتٸن, ەكونوميكاسىن كٶتەرەتٸن ەكٸجاقتى ىنتىماقتاستىقتىڭ بولاشاقتا ٶزگە دە مەملەكەتتەرمەن ەرٸپتەستٸك ورناتۋعا كەڭٸنەن جول اشاتىنىن جەتكٸزدٸ.
ساپار اياسىندا مينيستر وتاندىق ينۆەستورلارمەن كەزدەسٸپ, «سامۇرىق» ورتالىق الاڭىندا بولدى. جاڭا ورتالىقتا قازاقستاندىق جەنە ەلەمدٸك ەڭ تانىمال ٶنٸمدەر تانىستىرىلدى. كٶرمەگە شاراپ, تەمەكٸ, وپا-دالاپ ٶنٸمدەرٸ مەن تٷرلٸ تەتتٸلەر قويىلدى. «قورعاس» شىحو» اق پرەزيدەنتٸ قاحارمان جازين مينيسترگە ورتالىقتىڭ باس جوسپارىن تانىستىرىپ, بيىل پايدالانۋعا بەرٸلەتٸن 20 زاماناۋي نىسان جايلى تٷسٸندٸرٸپ ٶتتٸ. بۇل نىساندار تۋريستٸك, مەديتسينالىق ماقساتتا قولدانىلماق. سونىمەن بٸرگە, ينۆەستيتسييالىق جوبالاردى جانداندىرۋ جولدارى دا كٶرسەتٸلدٸ.
حالىقارالىق ورتالىقتىڭ قازاقستاندىق جەنە قىتايلىق بٶلٸگٸمەن جان-جاقتى تانىسقان ارىستانبەك مۇحامەديۇلى «قورعاس – شىعىس قاقپاسى» ەەا اۋماعىنداعى قۇرعاق پورتقا تابان تٸرەپ, جاڭادان بوي كٶتەرٸپ جاتقان لوگيستيكالىق, يندۋستريالدى ايماقتاردىڭ جاي-كٷيٸن قاراپ شىقتى. «قورعاس – شىعىس قاقپاسى» الداعى ۋاقىتتا تاسىمالداناتىن تاۋارلاردى ٶنەركەسٸپتٸك جولمەن قايتا ٶڭدەۋگە مولىنان مٷمكٸندٸك بەرەتٸن پورت رەتٸندە تانىمال بولماق. پورت كەلەشەكتە ەۋرازييا ايماعىنداعى قازاق- ستاننىڭ ەكسپورتتىق-ترانزيتتٸك ەلەۋەتٸن پاش ەتٸپ, اۋقىمدى لوگيستيكانىڭ دامۋىنا تىڭ سەرپٸن بەرمەك. سونىمەن بٸرگە, ەلەمدٸك ينۆەستيتسييانى قازاقستانعا تارتۋدىڭ بٸردەن-بٸر كٶزٸ دە وسى جەر. بۇدان بٶلەك, بۇل پورت ەلباسى باستاماسىمەن جاسالعان «نۇرلى جول» مەملەكەتتٸك باعدارلاماسىن جٷزەگە اسىرۋدىڭ ايقىن دەلەلٸ.
شەكارا شەبٸندەگٸ ەركٸن ەكونوميكالىق ايماقتىڭ قۇرىلىسىن تولىق اياقتاۋ تاياۋداعى ەكٸ-ٷش جىلدىڭ ٸشٸندە جٷزەگە اسپاق. بۇل جەردە 30 مىڭ ادامدى جۇمىسپەن قامتۋ كٶزدەلگەن. كەلەشەكتە دەل وسى جەردەن 100 مىڭ تۇرعىنى بار شىرايلى قالانىڭ ٸرگەتاسى قالانادى. سونداي-اق, قۇرعاق پورت ارقىلى ٶتەتٸن «باتىس ەۋروپا – باتىس قىتاي» اۆتودەلٸزٸنٸڭ, «جەتٸگەن – قورعاس» تەمٸرجولىنىڭ ماڭىزى زور. وسى ورتالىقتان اقتاۋ تەڭٸز پورتىنا شىعاتىن مٷمكٸندٸكتەر دە قاراستىرىلۋ ٷستٸندە. شەكارالى اۋداندا قولعا الىنعان حالىقارالىق ماڭىزى بار قۇرىلىس نىساندارىمەن تانىسقان مينيستر الداعى ۋاقىتتا جوبالاردى بۇدان ەرٸ جانداندىرۋعا بايلانىستى ناقتى تاپسىرمالار بەردٸ.
قوزىباي قۇرمان,
الماتى وبلىسى
