كٷرەس تٷرلەرٸنەن ەلوردادا ٶتٸپ جاتقان ەلەم چەمپيوناتىنىڭ ٷشٸنشٸ جارىس كٷنٸ قازاقتىڭ قوس بالۋانى جارتىلاي فينالدا سٷرٸندٸ, دەپ حابارلايدى "ۇلت اقپارات".
ولار 60 كەلٸ سالماق دەرەجەسٸندە ەل نامىسىن قورعاعان مەيرامبەك ايناعۇلوۆ پەن 77 كەلٸ سالماقتا سىنعا تٷسكەن بالۋانىمىز اسحات دٸلمۇحامەدوۆ. الايدا ەكەۋٸ دە توكيو 2020 وليمپيادا ويىندارىنا جولدامانى جەڭٸپ الدى. سەبەبٸ, استانادا كٷرەس تٷرلەرٸنەن ٶتٸپ جاتقان ەلەم بٸرٸنشٸلٸگٸندە 1-شٸ ورىننان 6-شى ورىنعا دەيٸن يە بولعان بالۋاندارعا وليمپيادا جولداماسى بەرٸلەدٸ.
ايناعۇلوۆ جارتىلاي فينالدا رەسەيلٸك سەرگەي ەمەلينگە 0:8 ەسەبٸمەن جول بەرسە, اسحات جارتىلاي فينالدا ماجارستاندىق وليمپيادا ويىندارى مەن ەلەم چەمپيوناتىنىڭ جٷلدەگەرٸ تاماش لورينتسكە ەسە جٸبەردٸ. ەندٸ, ايناعۇلوۆ تا, دٸلمۇحامەدوۆ ەلەم بٸرٸنشٸلٸگٸنٸڭ قولا مەدالٸ ٷشٸن بەلدەسەدٸ. قولا مەدال ٷشٸن ٶتەتٸن كەزدەسۋ ەرتەڭگە جوسپارلانعان.
ەستەرٸڭٸزگە سالا كەتەيٸك, وسىعان دەيٸن مەيرامبەك ايناعۇلوۆ پەن اسحات دٸلمۇحامەدوۆ توكيو وليمپيادا ويىندارىنىڭ ليتسەنزيياسىن جەڭٸپ العانىن جازعان بولاتىنبىز.
