ەلوردا تٶرٸندە كٷرەس تٷرلەرٸنەن ٶتٸپ جاتقان ليتسەنزييالىق ەلەم چەمپيوناتىندا ەركٸن كٷرەستەن قوس بالۋانىمىز شيرەك فينالعا سٷرٸنبەي ٶتتٸ, دەپ حابارلايدى "ۇلت اقپارات".
ەركٸن كٷرەستەن ەرلەر اراسىنداعى 65 كەلٸ سالماق دەرەجەسٸندە ٷش دٷركٸن ازييا چەمپيوناتىنىڭ جەڭٸمپازى, قازاقستاندىق دەۋلەت نييازبەكوۆ 1/8 فينالدا نەمٸس بالۋانىن ۇتىپ, شيرەك فينالعا شىقتى. ال 57 كەلٸگە دەيٸن سالماقتا ٶنەر كٶرسەتەتٸن تاعى بٸر بالۋانىمىز نۇريسلام ساناەۆ 1/8 فينالدا گەرمانييالىق دجاستين دجۋنيور لەردٸ 7:0 ەسەبٸمەن ۇتىپ, شيرەك فينالعا جولداما الدى.
ەستەرٸڭٸزگە سالا كەتەيٸك, دەۋلەت نييازبەكوۆ العاشقى اينالىمدا قىتايلىق تايپەي ٶكٸلٸن 10:0 ەسەبٸمەن تازا جەڭگەن بولاتىن. ال نۇريسلام ساناەۆ بولسا بٸرٸنشٸ بەلدەسۋٸندە مولدوۆا ٶكٸلٸ اناتوليي بۋرياندى 11:0 ەسەبٸمەن ويسىراتا ۇتتى.
