فوتو: kontakt-express.ru
استانادا 78 جاستاعى زەينەتكەر 6 ملن تەڭگەسٸن شەتەل ازاماتىنا بەرە سالعان. الاياقتىق جاسادى دەگەن كٷدٸكتٸ ۇستالدى, دەپ حابارلايدى قالالىق پوليتسييا دەپارتامەنتٸ.
پوليتسييا دەپارتامەنتٸنٸڭ مەلٸمەتٸنە سٷيەنسەك, زەينەتكەرگە بەيتانىس نٶمٸردەن بەلگٸسٸز ادام قوڭىراۋ شالىپ, ٶزٸن ۇلتتىق بانكتٸڭ قاۋٸپسٸزدٸك قىزمەتٸنٸڭ قىزمەتكەرٸ رەتٸندە تانىستىرعان. ول زەينەتكەردٸ كٷمەندٸ قارجىلىق وپەراتسييالار انىقتالعانىن ايتىپ, اقشانى "ساقتاۋ" ٷشٸن بەرۋ قاجەت ەكەنٸنە سەندٸرگەن.
جەبٸرلەنۋشٸ كٷدٸكتٸنٸڭ نۇسقاۋىن ورىنداپ, 6 ملن تەڭگەنٸ كۋرەرگە تابىستاعان. ال كۋرەر قاراجاتتى بەلگٸسٸز تۇلعاعا بەرگەن. بٸراز ۋاقىتتان كەيٸن ەيەل ادام الدانعانىن تٷسٸنٸپ, پوليتسيياعا جٷگٸنگەن.
Anti-Fraud جەدەل-پروفيلاكتيكالىق ٸس-شاراسى بارىسىندا پوليتسييا قىزمەتكەرلەرٸ 33 جاستاعى شەتەل ازاماتىن انىقتاپ, ۇستادى. كٷدٸكتٸ ۋاقىتشا ۇستاۋ يزولياتورىنا قامالدى.
"اتالعان دەرەك بويىنشا سوتقا دەيٸنگٸ تەرگەپ-تەكسەرۋ جٷرگٸزٸلۋدە. قىلمىسقا قاتىسى بار ٶزگە تۇلعالار انىقتالۋدا", - دەلٸنگەن حابارلامادا.
پوليتسييا ازاماتتاردى قىراعى بولۋعا جەنە اقشالاي قاراجاتتى بەيتانىس تۇلعالارعا بەرمەۋگە شاقىرادى. بانك جەنە قۇقىق قورعاۋ ورگاندارىنىڭ قىزمەتكەرلەرٸ ەشقاشان قولما-قول اقشانى كۋرەر ارقىلى بەرۋدٸ تالاپ ەتپەيدٸ.
