قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى قازاقستاندىقتاردى قۇربان ايت مەيرامىمەن قۇتتىقتادى, دەپ حابارلايدى "ۇلت اقپارات".
***
اسا قامقور, ەرەكشە مەيٸرٸمدٸ اللانىڭ اتىمەن باستايمىن!
قادٸرلٸ جاماعات!
بارشاڭىزدى ۇلىق مەيرام – قۇربان ايتتىڭ كەلۋٸمەن شىن جٷرەكتەن قۇتتىقتايمىن! ايت قابىل بولسىن! سٸزدەرگە اماندىق پەن ساۋلىق, بٸرلٸك پەن بەرەكە تٸلەيمٸن.
قۇربان ايت – شىنايى نيەت پەن اللاعا دەگەن سٷيٸسپەنشٸلٸكتٸ پاش ەتەتٸن مەيرام. ۇلىق مەرەكەنٸڭ تەربيەلٸك مەنٸ مەن ماعىناسى وسىندا جاتىر. قاسيەتتٸ قۇراندا: «ۇمىتپاڭدار, ولاردىڭ ەتٸ دە, قانى دا ەشقاشان اللاعا جەتپەيدٸ. وعان جەتەتٸن نەرسە – جٷرەكتەرٸڭٸزگە ۇيالاعان تاقۋالىقتارىڭ (شىنايى نيەتتەرٸڭ)» («حاج» سٷرەسٸ, 37-ايات), – دەلٸنگەن. اياتتا ايتىلعانداي, قۇداي جولىندا جاقسىلىق جاساۋعا نيەتتەنگەن پەندە بۇل امالدى ريياسىز ويمەن ورىندايدى.
ادام بالاسى قۇرباندىق شالۋ ارقىلى اللانىڭ بەرگەن ريزىق-نەسٸبەسٸنە شٷكٸر ەتەدٸ. قۇدايدىڭ نەسٸپ ەتكەن نىعمەتتٸڭ بٸر بٶلٸگٸن كٶمەككە مۇقتاج جاندارعا ٷلەستٸرٸپ, ولاردىڭ دا اقىسىن بەرٸپ, قۋانىشقا بٶلەيدٸ. ٶيتكەنٸ, پايعامبارىمىز مۇحاممەد (وعان اللانىڭ سالاۋاتى مەن سەلەمٸ بولسىن): «پارىز امالدان كەيٸنگٸ اللاعا ۇنامدى ٸس – مۇسىلماننىڭ جٷرەگٸنە قۋانىش سىيلاۋ» دەگەن.
حالقىمىز «بوتا العانشا باتا ال» دەيدٸ. ٷلكەننٸڭ, جالپى كٶمەككە مۇقتاج جانداردىڭ العىسىن الىپ, باتاسىنا بٶلەنۋ – ايت كەزٸندە ورىندالاتىن ساۋاپتى ٸستٸڭ بٸرٸ. مۇسىلمان بالاسىنىڭ ۇلىق كٷندە شىنايى نيەتپەن قۇربان شالىپ, قۇرباندىق ەتٸن مٷگەدەكتەر مەن جەتٸمدەرگە, كٶپبالالى وتباسىلار مەن قارتتارعا تاراتىپ, ولاردىڭ العىسىن الۋعا تىرىساتىنى سوندىقتان.
وسى رەتتە ەلٸمٸزدەگٸ بارشا كەسٸپكەر ازاماتتاردى قۇربان ايتتىڭ قۇرمەتٸنە مال قۇنىن قولدان كٶتەرمەي, حالىقتىڭ ەلەۋمەتتٸك جاعدايىن ەسكەرٸپ, وڭتايلى باعا ۇسىنۋعا, جۇرت كٷندە تۇتىناتىن ازىق-تٷلٸككە مٷمكٸندٸگٸنشە جەڭٸلدٸك جاساۋعا شاقىرامىن. قۇربان ايتتىڭ نەگٸزگٸ مەنٸ مۇسىلماندار اراسىندا ٶزارا مەيٸرٸمدٸلٸك, جومارتتىق, قايىرىمدىلىق, قاناعات سىندى ادامگەرشٸلٸك قۇندىلىقتاردى قالىپتاستىرۋ ەكەنٸن ەستەن شىعارماعان ابزال. اللانىڭ راقىم نۇرى تٶگٸلەتٸن ايتتا جۇرتىمىزعا جاقسىلىق جاساپ, كٶپشٸلٸكتٸڭ ريزاشىلىعىنا بٶلەنەيٸك.
قۇرمەتتٸ وتانداستار!
بٷگٸندە ەلەم مۇسىلماندارى ەكٸ جىلعا سوزىلعان ٷزٸلٸستەن كەيٸن ٷلكەن قاجىلىق جاساۋدا. سولاردىڭ قاتارىندا مەككە قالاسىندا قاجىلىق پارىزىن ٶتەپ جٷرگەن 4 مىڭ وتانداسىمىزدىڭ نيەتٸ مەن دۇعاسى قابىل بولىپ, ەلٸمٸزگە امان-ەسەن ورالۋىن تٸلەيمٸز.
اللا تاعالا ەلٸمٸز بەن جەرٸمٸزگە بەرەكەسٸن جاۋدىرىپ, شالعان قۇرباندىقتارىمىزدى, بەرگەن ساداقالارىمىزدى, ايت كٷندەرٸ امالعا اسىرعان اللاعا ۇنامدى ەربٸر يگٸ ٸستەرٸمٸزدٸ قابىل ەتكەي.
ايتتان ايتقا امان-ەسەن جەتە بەرەيٸك. ەمين!
