«سارى», «جاسىل» ايماقتاعى ٶڭٸرلەردە ارنايى قۇربان شالاتىن ورىندار اشىلادى. وعان بارۋ ٷشٸن الدىن الا جازىلۋ كەرەك, دەپ حابارلايدى قازاقپارات.
«ەر ٶڭٸردەگٸ قمدب جۇمىس توبىنىڭ call-ورتالىققا قوڭىراۋ شالىپ, الدىن الا جازىلۋ كەرەك. ارنايى تٸزٸم جاسالىپ, قۇربان شالۋعا نيەتتٸ تۇلعاعا كەزەك سانى مەن باراتىن ناقتى ۋاقىتىن حاباردار ەتۋٸ قاجەت. بەرٸ بٸردەي بٸر ۋاقىتتا بارماۋ ٷشٸن, ەركٸم تالون سەكٸلدٸ ٶز كەزەگٸمەن بارىپ قۇرباندىق شالادى», - دەپ تٷسٸندٸردٸ قمدب تٶراعاسىنىڭ ورىنباسارى, نايب مٷفتي ەرشات وڭعار ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
20 شٸلدە كٷنٸ ساعات 7:20 دان باستاپ «سارى», «جاسىل» ايماقتاعى ٶڭٸرلەردە الدىن الا جازىلعان تۇلعالار بەلگٸلەنگەن ۋاقىتتا ارنايى قاساپحانادا قۇربان شالادى, ەربٸر ادامعا 1 ساعات ۋاقىتتان بەرٸلەدٸ.
«وفلاين فورماتتا قۇربان شالۋشى قمدب-نىڭ جاۋاپتى تۇلعاسىنا «ASHYQ» باعدارلاماسىنداعى ٶز ستاتۋسىن كٶرسەتۋٸ قاجەت. «جاسىل» جەنە «كٶك» تٷستەردەگٸ تۇلعالار قاساپحانا عيماراتىنا كٸرە الادى, «قىزىل» جەنە «سارى» تٷستەردەگٸ تۇلعالارعا رۇقسات ەتٸلمەيدٸ», - دەيدٸ وڭعار.
قۇرباندىق ەتٸن ەت ساقتايتىن ورىندارعا جٶنەلتۋ جەنە جەتكٸزۋمەن ەرٸكتٸلەر, يمامدار اينالىسادى. بۇل تەگٸن بولادى. قۇربان ەتتەرٸن جاعدايى تٶمەن وتباسىلار, جەتٸمدەر مەن قارتتار ٷيٸ جەنە ەلەۋمەتتٸك جاعدايى وسال توپتارعا تاراتىلادى.
«قاسپاحانالاردا تازالىققا مەن بەرٸلٸپ, سانيتارلىق تالاپتاردىڭ ساقتالۋىن قاتاڭ قاداعالاۋدى قولعا الدىق. كٷنٸ كەشە باس مٷفتي جۇمىس توبىمەن بٸرگە قاساپحانا تازالىعىن, مال سوياتىن ورىندار مەن سويىلاتىن مالدى كٶرٸپ قايتتى. قۇرباندىق مالىن سويدىرۋعا, ساتىپ الۋعا, ساتۋ, ونى سويۋ كەزٸندە سانيتارلىق تالاپتار, تازالىق جاعىنا مەن بەرۋگە شاقىرامىز. دٸنٸمٸزدە تازالىقتىڭ ماڭىزى جوعارى», - دەدٸ ەرشات وڭعار.
