قۇرباندىق مالىن شالۋدى قاشىقتان ورىنداۋعا بولادى. بۇل تۋرالى قازاقستان مۇسىلماندارى دٸني باسقارماسى تٶراعاسىنىڭ ورىنباسارى, نايب مٷفتي ەرشات وڭعاروۆ ايتتى, دەپ حابارلايدى قازاقپارات.
«حالىقارالىق استرونومييالىق ينستيتۋتتاردىڭ بولجامى بويىنشا, بيىلعى قۇربان ايت اللا قالاسا 31 شٸلدەگە ساي كەلەدٸ. دەگەنمەن, ونىڭ ناقتى كٷنٸن سودان 10 كٷن بۇرىن جارييالاپ ايتامىز», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا باق ٶكٸلدەرٸنٸڭ ساۋالىنا وراي.
سونىمەن قاتار ول قۇربان ايت مەيرامى كەزٸندە قاتاڭ شەكتەۋ شارالارى سوزىلاتىن بولسا, وندا باسقارما تاراپىنان ناقتى جۇمىستار قولعا الىناتىنىن ايتتى.
«ەستەرٸڭٸزدە بولسا, ورازا ايت كەزٸندە كارانتينگە بايلانىستى ايت نامازى وقىلماعان بولاتىن. بۇل جاعدايدا دا شەكتەۋ شارالارى سوزىلاتىن بولسا, ايت نامازىن ٶكٸنٸشكە قاراي مەشٸتتە وقي المايمىز. الايدا قۇربان ايت مەيرامى قۇرباندىق شالۋمەن ەرەكشەلەنەدٸ. قۇرباندىق مالىن شالۋدى قاشىقتان دا ورىنداسا دا, تاپسىرىس بەرۋ ارقىلى ورىنداسا دا بولادى. اللا قالاسا, بٸز وعان جاعداي جاساۋعا تىرىسامىز. ەرينە, بۇل رەتتە جەرگٸلٸكتٸ ەكٸمدٸك تاراپىنان رەتتەۋ جۇمىستارى بولادى. قۇرباندىق شالۋ ۋاقىتىنا كەلەر بولساق, بيىل 31 شٸلدە دەپ وتىرمىز. سول كٷنٸ تاڭنان باستاپ ٷش بويى كٷن باتقانعا دەيٸن قۇرباندىق شالۋعا بولادى», - دەدٸ نايب مٷفتي.
ونىڭ اتاپ ٶتۋٸنشە, شاريعات قۇرباندىق شالۋدى بارلىق ادامعا جٷكتەمەيدٸ. تەك جاعدايى بار ادامدارعا عانا قۇرباندىق شالۋ مٸندەتتەلەدٸ.
