Qurbandyq malyn shalýdy qashyqtan oryndaýǵa bolady. Bul týraly Qazaqstan musylmandary dini basqarmasy tóraǵasynyń orynbasary, naib múfti Ershat Ońǵarov aitty, dep habarlaidy QazAqparat.
«Halyqaralyq astronomiialyq institýttardyń boljamy boiynsha, biylǵy qurban ait Alla qalasa 31 shildege sai keledi. Degenmen, onyń naqty kúnin sodan 10 kún buryn jariialap aitamyz», - dedi ol Ortalyq kommýnikatsiialar qyzmetindegi brifing barysynda BAQ ókilderiniń saýalyna orai.
Sonymen qatar ol Qurban ait meiramy kezinde qatań shekteý sharalary sozylatyn bolsa, onda basqarma tarapynan naqty jumystar qolǵa alynatynyn aitty.
«Esterińizde bolsa, Oraza ait kezinde karantinge bailanysty ait namazy oqylmaǵan bolatyn. Bul jaǵdaida da shekteý sharalary sozylatyn bolsa, ait namazyn ókinishke qarai meshitte oqi almaimyz. Alaida Qurban ait meiramy qurbandyq shalýmen erekshelenedi. Qurbandyq malyn shalýdy qashyqtan da oryndasa da, tapsyrys berý arqyly oryndasa da bolady. Alla qalasa, biz oǵan jaǵdai jasaýǵa tyrysamyz. Árine, bul rette jergilikti ákimdik tarapynan retteý jumystary bolady. Qurbandyq shalý ýaqytyna keler bolsaq, biyl 31 shilde dep otyrmyz. Sol kúni tańnan bastap úsh boiy kún batqanǵa deiin qurbandyq shalýǵa bolady», - dedi naib múfti.
Onyń atap ótýinshe, shariǵat qurbandyq shalýdy barlyq adamǵa júktemeidi. Tek jaǵdaiy bar adamdarǵa ǵana qurbandyq shalý mindetteledi.
