ساناۋلى كٷندەردەن سوڭ مۇسىلمان قاۋىمى قۇربان ايت مەيرامىن قارسى الادى. ەلەمدەگٸ جەنە ەلدەگٸ ەپيدەميولوگييالىق جاعدايعا بايلانىستى قاسيەتتٸ مەيرامدى قارسى الۋ مەن ونى اتاپ ٶتۋ ەرەجەلەرٸنە ٶزگەرٸستەر ەنگٸزٸلدٸ.
قاۋٸپسٸزدٸك ەرەجەلەرٸن ساقتاي وتىرىپ قۇربان ايتتى قارسى الۋ تاقىرىبىندا قازاقپارات تٸلشٸسٸ قازاقستان مۇسىلماندارى دٸني باسقارماسى تٶراعاسىنىڭ ورىنباسارى, نايب مٷفتي - ەرشات قاجى اعىبايۇلىمەن سۇحباتتاسقان بولاتىن.
«قۇربان ايتتى كارانتين جاعدايىندا تيٸستٸ سانيتارلىق شارالاردى ساقتاپ قارسى العان دۇرىس. ياعني بۇل كٷنٸ قوناق كٷتٸپ, قوناققا بارۋدى قويا تۇرعان جٶن. ٶيتكەنٸ, يسلام ادام بالاسىنىڭ ٶمٸرٸ مەن دەنساۋلىعىن قورعاۋدى اسىل ماقسات تۇتقان دٸن. ياعني ادامنىڭ ٶمٸرٸن قورعاۋ, بٷكٸل ادامزاتتىڭ ٶمٸرٸن قورعاۋمەن تەڭ. يە, بٸزدٸڭ دەستٷرٸمٸزگە سەيكەس قۇربان ايت كەزٸندە بٸر-بٸرٸمٸزگە قوناققا باراتىنىز بار. دەگەنمەن قازٸرگٸ جاعدايدى ەسكەرە كەلە, قوناققا بارۋ جاعىن توقتاتا تۇرعان جٶن», - دەدٸ نايب مٷفتي ەرشات قاجى اعىبايۇلى.
ونىڭ ايتۋىنشا, قاسيەتتٸ مەيرامدى ەر ازامات ٶز وتباسىندا جاقىندارىمەن بٸرگە قارسى العان دۇرىس.
«بيىلعى قۇربان ايت مەيرامىن قارسى الۋ ەلدەگٸ ٸندەتتٸڭ تاراۋىمەن بايلانىستى ارتىق جٷرٸس-تۇرىستى ازايتۋمەن, ونلاين تٷردە ٶتۋٸمەن ەرەكشەلەنەدٸ. ياعني ەر ازامات مەرەكەنٸ ٶز وتباسىندا قارسى العانى جٶن. سونىمەن قاتار, ٶزدەرٸڭٸز بٸلەتٸندەي بيىل قاجىلىق ساپارىنا دا شەك قويىلدى. بۇل دا ادامزات قاۋٸپسٸزدٸگٸن قامتاماسىز ەتۋ ماقساتىندا جاسالىنىپ وتىرعان ساقتىق شارالارىنىڭ بٸرٸ. ەرينە, بۇل مەيرام كەشٸرٸمدٸ بولىپ, ساۋاپتى ٸستەردٸ كٶپتەپ ٸستەيتٸن سەت. پەندەلەردٸڭ بٸر-بٸرٸنە جاقسىلىق جاساۋىنا, يگٸ تٸلەك ايتىپ, مۇقتاج جاندارعا كٶمەكتەسٸپ ساۋاپ الۋىنا ٸندەت پەن كارانتيننٸڭ ەشقانداي قاتىسى جوق», - دەيدٸ ول.
سونداي-اق, باسقارما ٶكٸلٸ كارانتين جاعدايىندا قۇرباندىق شالۋ, ناماز وقۋ جەنە قۇران باعىشتاۋ دٸني دەستٷرلەرٸنە قاتىستى دا ٶز پٸكٸرٸن بٸلدٸردٸ.
«اتالعان دٸني دەستٷرلەردٸڭ بارلىعى ساقتىق شارالارىن ساقتاي وتىرىپ, ونلاين ٶتكەنٸ ابزال. قۇرباندىق شالۋشى جاندارعا ارنالعان Qurban2020.kz سايتىن ٸسكە قوسىلدى. بۇل دەگەنٸمٸز ازاماتتارىمىز قۇرباندىقتى ٷيدەن شىقپاي ونلاين تٷردە جاساي الادى. مۇنىڭ مازمۇنى سٸز دٸن ٶكٸلٸن قۇرباندىق شالۋعا ٶكٸل ەتەسٸز. ياعني سٸز تاپسىرىس بەرگەن ۋاقىت پەن سٸز تاڭداعان قۇرباندىق تٷرٸنە سەيكەس دٸن ٶكٸلٸ سٸزدٸڭ اتىڭىزدان دۇعا جاساپ, قۇرباندىق شالادى. دەگەنمەن كەيبٸر ادامدار قۇرباندىقتىڭ ونلاين تٷردە شالىنعانىنا سەنبەۋٸ مٷمكٸن, ونداي جاعدايدا بٸز قۇرباندىقتىڭ شالىنۋ سەتٸنٸڭ دەلەلٸن جٸبەرە الامىز. بٸراق مالدى سويۋ كەزٸندە قان تٶگٸلٸپ, پىشاقپەن قانسىراتىپ كەسٸپ, تٸلٸپ جاتقان سەتٸن جٸبەرە المايمىز. سەبەبٸ ول سەت ادامنىڭ پسيحيكاسىنا كەرٸ ەسەرٸن تيگٸزۋٸ مٷمكٸن. تاعى بٸر ايتا ٶتەتٸن مەسەلە, كارانتينگە بايلانىستى مەشٸتتەردٸڭ ەسٸگٸ جابىق, ەشقانداي ايت نامازى وقىلمايدى. ال قۇرانعا كەلسەك ەركٸم ٶز بەتٸمەن, ٶز ٷيٸندە نيەت ەتۋٸنە ەرينە, بولادى», - دەدٸ ە. اعىبايۇلى.
