اقتٶبەلٸك ەلييا كەنجالينا قارتتار كٷنٸ قۇتتىقتاپ بارعان دەپۋتاتتارعا ٶمٸر جولىن ايتىپ, جاستاردىڭ ەرٸنبەي ەڭبەك ەتۋگە شاقىردى, دەپ حابارلايدى قازاقپارات.
Nur Otan پارتيياسى اقتٶبە وبلىستىق فيليالى تٶراعاسىنىڭ بٸرٸنشٸ ورىنباسارى ەربول داناعۇلوۆ پەن وبلىستىق مەسليحاتتاعى فراكتسييا مٷشەلەرٸ ەلٸمٸزدٸڭ ٶركەندەۋٸنە ٷلەس قوسقان اعا بۋىندى حالىقارالىق قارتتار كٷنٸمەن قۇتتىقتادى. ولاردىڭ كٶبٸ - مالشى, ۇستاز, كولحوزدا ەڭبەك ەتكەن قاراپايىم ەڭبەك ادامى.
قۇرمەتكە بٶلەنگەن ەلييا كەنجالينا قازٸر 85 جاستا. ول 12 جىل بويى جولداسى سەرٸكباي جۇماباەۆپەن بٸرگە شالقار اۋدانى, بەرشٷگٸر سوۆحوزىندا قوي باققان. كەيٸن جولداسى فەرمانىڭ زووتەحنيگٸ, ال ٶزٸ دٷكەنشٸ بولىپ قىزمەت ٸستەدٸ. قازٸر ەلييا كەنجالينا 9 بالا تەربيەلەپ, ودان 34 نەمەرە, 26 شٶبەرە سٷيٸپ وتىر. جولداسى وسىدان 5 جىل بۇرىن دٷنيەدەن ٶتٸپتٸ.
«ەڭبەكپەن ەل كٶگەرەر» دەگەن. جاستايىمنان ەڭبەككە ارالاستىم. تٷزدە شٶپ تاسىپ, مال باقتىم. ەر ازاماتتىڭ جۇمىسىن ٸستەسەدٸم. 15 جاسىمدا ەكەم ەسكٸ تٸگٸن ماشيناسىن الىپ بەرگەن, سونىمەن ٷيدە ٸس تٸكتٸم. كٷنٸنە 4 ساعات قانا ۇيىقتادىق. قازٸرگٸ جاستار بٸزدەي ەڭبەك ەتسە, ەلٸمٸزدٸڭ جاعدايى ەلدەقايدا جاقسى بولار ەدٸ», - دەيدٸ باتىر انا ەلييا كەنجالينا.
نۇروتاندىقتار قۇتتىقتاپ بارعان ارداگەرلەردٸڭ بٸرٸ — اجار ورازعاليەۆا. ول ەل باسىنا كٷن تۋعان شاقتا ٶزٸ سۇرانىپ سوعىسقا اتتانعان. ول كەزدە نەبەرٸ 18 جاستا بولاتىن. قارشاداي قىز قارۋ اسىنعان قۇربىلارىمەن بٸرگە باسقىنشىلاردىڭ تالاي شابۋىلىنا توسقاۋىل جاسادى. زەنيتپەن اتقىلاپ, فاشيستەردٸڭ ۇشاقتارىن قۇلاتقان ۋاقىتتارى دا مەڭگٸ جادىندا. ارداگەر كۋرسك, ورەل, بەلگورود, حاركوۆ, كيەۆتٸ جەنە رۋمىنييا, ۆەنگرييانى ازات ەتۋگە قاتىسىپ, جەڭٸستٸ بەرليندە قارسى العان ەكەن.
«ٷلكەندٸ قۇرمەتتەپ, سىيلاي بٸلگەن ەلمٸز. كٶنەكٶز قارييالارىمىزدىڭ ٶمٸرلٸك تەجٸريبەسٸ مەن اقىل-كەڭەسٸ, تەلٸم-تاعىلىمى بٶلەك. ەرقايسىسى عۇمىرىنىڭ ەڭ قىزىقتى دا جارقىراعان جاستىق شاعىن ەلٸمٸزدٸڭ ٶركەندەۋٸنە, كەلەر ۇرپاقتىڭ يگٸلٸگٸنە ارنادى. ۇرپاققا بەرگەن ۇلاعاتتى تەلٸم-تاعىلىمدارى مەن قوعام ٶمٸرٸنە قوسقان ٷلەسٸ ٷشٸن اعا ۇرپاققا ريزاشىلىعىمىز شەكسٸز», - دەيدٸ ەربول داناعۇلوۆ.
