باس رەداكتورلار كلۋبى ەلٸمٸزدەگٸ بارلىق بۇقارالىق اقپارات قۇرالدارىنا ٷندەۋ جولدادى, دەپ حابارلايدى "ۇلت اقپارات".
ٷندەۋدٸ باس رەداكتورلار كلۋبىنىڭ جەتەكشٸسٸ بيبٸگٷل جەكسەنباي Facebook پاراقشاسىندا جارييالادى.
«ەلٸمٸزدەگٸ بارلىق بۇقارالىق اقپارات قۇرالدارىنا, تەلەارنالار مەن ينتەرنەت باسىلىمدارعا, ەلەۋمەتتٸك جەلٸدەگٸ جەكەمەنشٸك سايت يەلەرٸ مەن بلوگەرلەرگە ٷندەۋ جولدايمىز. بٷگٸنگٸ تاڭدا بٷكٸل ەلەم ەمٸ تابىلماي وتىرعان قاۋٸپتٸ ٸندەتتٸڭ تارالۋىنان شەتٸ مەن شەگٸ كٶرٸنبەيتٸن, تاۋداي تولقىندارى دولدانا تۋلاعان تەڭٸزدە تٶرت قۇبىلاسىنان تىنىشتىق تاپتاي تەڭسەلگەن كەمەدەي كٷردەلٸ كەزەڭدٸ باستان كەشٸپ وتىر. قارا تٷنەك قىسپاقتان قۇتىلۋدىڭ جالعىز جولى – سٶنبەگەن ٷمٸتتەي بولىپ الىستان جىلتىراپ, باستى باعىتقا جول سٸلتەيتٸن شامشىراقتىڭ جانىپ-ٶشكەن ەلسٸز جارىعى. بٸزدٸڭ قوعام دا كەمە سەكٸلدٸ. ال ەندٸ قوعامدى قيىندىقتان الىپ شىعار شامشىراق – ول اقپارات قۇرالدارى. حح عاسىردىڭ باسىنداعى ۇلت ۇستازى احمەت بايتۇرسىنوۆتىڭ «گازەت – حالىقتىڭ كٶزٸ, قۇلاعى ھەم تٸلٸ» دەۋٸ دە تەگٸن ەمەس ەدٸ. دەل وسى اكسيومانىڭ بٷگٸنگٸ اقپارات دەۋٸرٸندە قۇنى ارتپاسا, كەمٸمەسٸ انىق. ٶيتكەنٸ, قيىندىققا تاپ بولعان قوعامنىڭ دەرتٸنەن ارىلىپ, دەنەسٸن تٸكتەپ, باعدارىن ايقىنداۋ ٷشٸن شىنايى اقپاراتتىڭ اۋاداي قاجەت ەكەنٸن تارلان تاريح تالاي دەلەلدەگەن. ال جالعان اقپاراتتىڭ قاتەرٸ ٸندەتتەن جامان ەكەنٸ دە شىندىق» دەلٸنگەن ٷندەۋدە.
سوندىقتان باس رەداكتورلار كلۋبى كٷن سايىن قانشاما وتباسى قيماسىنان ايىرىلىپ, قارا جامىلىپ وتىرعاندا ەفيرلەردەن توي تويلاعانداي تايراڭداعان, بي بيلەگەندەي سەكەڭدەگەن توك-شوۋلاردى كٶرسەتۋ باسقاسىن بىلاي قويعاندا, ادامگەرشٸلٸك قاعيدالارىمەن قابىسپايتىنىن ايتادى.
«ونىڭ ورنىنا تاقىرىپتىق, تانىمدىق دٷنيەلەردٸ حالىققا ۇسىنساق دۇرىس بولار ەدٸ دەپ ويلايمىز. قاي زاماندا بولسىن اقپارات قۇرالدارى مەملەكەتتٸك يدەولوگييانىڭ باستى سالاسى بولىپ سانالادى. سوندىقتان, بٷكٸل ەل كٶز تٸگٸپ وتىرعان ەفيرٸمٸزدەن حالىقتىڭ كٶڭٸلٸندەگٸنٸ دٶپ باساتىن, ەلدٸڭ جوعىن جوقتايتىن, ۇلتتىق دەستٷرلەرٸمٸز بەن بٷكٸل ادامزاتتىق قۇندىلىقتاردى ناسيحاتتايتىن حابارلار مەن دٷنيەلەر كٶرسەتٸلسە دەگەن تٸلەگٸمٸز بار» دەلٸنگەن باس رەداكتورلار كلۋبىنىڭ ٷندەۋٸندە.
