جامبىل وبلىسىنىڭ ەكٸمٸ بەردٸبەك ساپارباەۆ بەلگٸلٸ اقىن, مەملەكەتتٸك سىيلىقتىڭ لاۋرەاتى كٷلەش احمەتوۆانىڭ شاڭىراعىندا بولىپ, جاقىندا جارىق كٶرگەن اقىننىڭ بەس تومدىق جيناعىنىڭ تۇساۋىن كەستٸ, دەپ حابارلايدى "ۇلت اقپارات".
قازاقتىڭ اياۋلى اقىنى كٷلەش احمەتوۆا بيىل 75 جاسقا تولادى.
سانالى عۇمىرىن قاستەرلٸ پوەزيياعا ارناعان اقىن قازاق ەدەبيەتٸن تاعى دا ٶزٸنٸڭ ٸنجۋ-مارجانىمەن تولىقتىردى.
ونىڭ بۇل قۋانىشىنا وبلىس ەكٸمٸ بەردٸبەك ماشبەكۇلى ورتاقتاسىپ, كٷلەش احمەتوۆا مەن جارى قايىربەك اسانوۆتىڭ شاڭىراعىنا ارنايى اتباسىن بۇردى.
«ۇلتتى تانىتاتىن ەدەبيەت پەن ٶنەر. ەدەبيەت تە, ٶنەر دە مەڭگٸلٸك جاساي بەرەدٸ. ەكٸمدەر قىزمەتكە كەلەدٸ, كەتەدٸ. ال اقىننىڭ مۇراسى ٶمٸر باقي قالادى. 14 جاسىندا جىر جازۋ دەگەن ەركٸمنٸڭ باسىنا بەرٸلە بەرمەيتٸن باق. سٸز سول ۇلبيكە اپامىزدىڭ جولىن جالعاستىرىپ, وسىنداي ەدەبي مۇرالاردى باسىپ شىعاردىڭىز. سٸزدٸ «قازاق پوەزيياسىنىڭ اق گٷلٸ» دەپ ەل بەكەر ايتقان جوق. بەس كٸتاپقا ەبدٸلدە تەجٸباەۆ اعامىزدان باستاپ, ەبٸش كەكٸلباەۆ, قادىر مىرزا ەليلەردٸڭ العىسٶز جازۋى تەگٸن ەمەس. بۇل - سٸزدٸڭ ٶلەڭدەرٸڭٸزدٸڭ قۇندىلىعى, ەسٸرەسە قازٸرگٸ زامانعا كەرەك ەكەندٸگٸنٸڭ نىشانى. وتاندى قالاي سٷيۋ كەرەك, قالاي تازا ەڭبەك ەتۋ كەرەك, سونىڭ بارلىعى جىرلارىڭىزدا تۇنىپ تۇر. ماحاببات دەگەن تەك قانا ادام مەن ادامنىڭ اراسىندا عانا ەمەس ەكەنٸن, ۇلتىنا, وتانىنا, جەرٸنە دەگەن ماحابباتتى جاقسى جازعانسىز. سٸزدٸڭ جولىڭىز جاستارعا ٶنەگە بولۋى كەرەك. سٸز شىعارماشىلىعىڭىزعا ارقاۋ ەتكەن ادالدىق, شىندىق, ۇلتتى سٷيۋ ەربٸر ۇرپاققا ٷلكەن پەرزەنتتٸك پارىز», - دەگەن بەردٸبەك ماشبەكۇلى ٸزگٸ تٸلەگٸن بٸلدٸردٸ.
كٷلەش احمەتوۆا الداعى ۋاقىتتا وتان جايلى كٸتاپ شىعارۋدى جوسپارلاپ وتىرعانىن تٸلگە تيەك ەتتٸ.
«سٸزگە ارناعان ٶلەڭٸمنٸڭ بٸر جولىندا: «سەن جٷگٸرسەڭ ەلگە قاراي جٷگٸردٸڭ, سەن جٷگٸنسەڭ ەدٸلەتكە جٷگٸندٸڭ, سەن حالىقتىڭ تٶبەسٸنەن قاراماي, سەن حالىقتىڭ جٷرەگٸنە ٷڭٸلدٸڭ» دەگەنٸمدەي ەردايىم حالىقپەن بٸرگە ەكەنٸڭٸزدٸ كٶرٸپ جٷرمٸز. ونى ٶزٸڭٸز ٸلكٸمدٸ ٸستەرمەن دەلەلدەپ كەلەسٸز. الداعى ۋاقىتتا وتان دەگەن كٸتاپ شىعارايىن دەپ جاتىر ەدٸم. وعان ٶزٸمنٸڭ تابانىم تيگەن ەلٸمٸزدٸڭ ەر ٶڭٸرٸ, ياعني قازاقستاننىڭ تابيعاتى جايلى جىرلارىم ەنەدٸ. سٸز سەكٸلدٸ ەدەبيەت جايلى سٶيلەۋ ەربٸر ەكٸمنٸڭ قولىنان كەلمەيدٸ. سوندىقتان سول كٸتابىما ٶزٸڭٸز العىسٶز جازىپ بەرسەڭٸز», – دەگەن ۇسىنىسىن جەتكٸزدٸ.
وبلىس ەكٸمٸ بەردٸبەك ساپارباەۆ پەن جازۋشى-دراماتۋرگ ەلەن ەلٸمجان جاڭا جيناقتىڭ تۇساۋىن كەسكەن سوڭ, جاس اقىندار ٶلەڭ وقىدى.
