قازاقستاندىق ەرەجەسٸز جەكپە-جەك شەبەرٸ قۋات "نايمان" حاميتوۆ الماتىداعى FIGHT NIGHTS GLOBAL 80 تۋرنيرٸنٸڭ باستى كەزدەسۋٸندە يرلاندييالىق پيتەر كۋيلليمەن جولىعىپ, تٶرەشٸلەر شەشٸمٸ بويىنشا جەڭٸسكە جەتتٸ, - دەپ حابارلايدى Vesti.kz.
العاشقى راۋندتاردا "نايماننىڭ" باسىمدىعى بايقالسا, كەيٸنگٸ راۋندتاردا يرلاندييالىق سپورتشى بەلسەندٸلٸك تانىتتى. جەكپە-جەك جوسپارلانعان 5 راۋندقا سوزىلىپ, قارسىلاستار بٸر-بٸرٸنٸڭ اڭدىسىن تابا المادى. نەتيجەسٸندە ەكٸ تٶرەشٸ قازاقستاندىق سپورتشىنى جەڭٸمپاز دەپ تانىسا, بٸر تٶرەشٸنٸڭ ەسەبٸ تەڭ شىقتى.
جەكپە-جەك سوڭىنان قۋات حاميتوۆ جانكٷيەرلەرگە ٶز العىسىن بٸلدٸردٸ. ال پيتەر كۋيللي تٶرەشٸلەر شەشٸمٸمەن كەلٸسپەيتٸنٸن ايتىپ, "تەڭ ەسەپ تٸركەگەندە ەدٸلەتتٸ بولار ەدٸ" دەپ قىسقا قايىردى.
ٶزگە كەزدەسۋلەردە قازاقستاندىق ەرەجەسٸز جەكپە-جەك شەبەرٸ گەورگيي كيچيگين FIGHT NIGHTS GLOBAL 80 تۋرنيرٸندە رەسەيلٸك ماگومەد نۋروۆپەن جەكپە-جەككە شىعىپ, ٶز چەمپيوندىق اتاعىن قورعاپ قالدى. قارسىلاسىن تٶرتٸنشٸ راۋندتا قولىن قايىرۋ ەدٸسٸنە سالىپ, جەڭٸسكە جەتتٸ.
جالعاس جۇماعۇلوۆ ۇلىبريتانييالىق شادج حەكتٸ, جۇمان جۇمابەكوۆ مولدوۆالىق يۆان اندرۋششەنكونى تٶرەشٸلەر شەشٸمٸ بويىنشا ايقىن جەڭٸپ شىقتى.
