سىبايلاس جەمقورلىققا قارسى ٸس-قيمىل ۇلتتىق بيۋروسى بۇرىنعى قر ۇلتتىق ەكونوميكا مينيسترٸ قۋاندىق بيشٸمباەۆتى ۇستادى, - دەپ حابارلايدى "ۇلت اقپارات".
"بيشٸمباەۆ توپ بولىپ, الدىن الا كەلٸسٸم جاساۋ ارقىلى اسا ٸرٸ كٶلەمدە بٸرنەشە رەت پارا الىپ وتىرعان. زاڭسىز العان قاراجاتتى بيشٸمباەۆ ٶز قاجەتٸنە جاراتقان", - دەپ حابارلادى انتيكوررۋپتسييا قىزمەتٸنٸڭ ٶكٸلدەرٸ.
قر قپك-نٸڭ 128-بابىنا سەيكەس, بيشٸمباەۆ استانا قالالىق ٸٸد-نٸڭ ۋاقىتشا تەرگەۋ ۇستاۋ يزولياتورىنا قامالدى. سوتالدى تەرگەۋ جالعاسىپ جاتىر.ايتا كەتەيٸك, 2016 جىلدىڭ 30 جەلتوقسانىندا ۇلتتىق ەكونوميكا ەكس-مينيسترٸ قۋاندىق بيشٸمباەۆقا قاتىستى تەرگەۋ شارالارى جٷرٸپ جاتقانى بەلگٸلٸ بولعان ەدٸ. قر سٸم باسشىلىق قۇرامىمەن كەزدەسۋٸندە نۇرسۇلتان نازارباەۆ قۋاندىق بيشٸمباەۆتىڭ قىزمەتتەن بوساتىلعانىن مەلٸمدەگەن بولاتىن.
ال, بۇدان بۇرىن, ياعني 17 قاراشادا "بەيتەرەك DEVELOPMENT" اق باسشىلارى ۇستالعان بولاتىن. سىبايلاس جەمقورلىققا قارسى ٸس-قيمىل ۇلتتىق بيۋروسى "بەيتەرەك DEVELOPMENT" اق باسشىسىنىڭ پارا الۋ دەرەگٸنە قاتىستى سوتقا دەيٸنگٸ تەرگەۋ جۇمىستارىن جٷرگٸزگەن ەدٸ. تەرگەۋ بارىسىندا "بەيتەرەك DEVELOPMENT" اق لاۋازىمدى جاقىپوۆ ا. (باسقارما تٶراعاسىنىڭ ورىنباسارى), ايتىمبەتوۆ ب. (مەملەكەتتٸك-جەكەمەنشٸك سەرٸكتەستٸك ديرەكتسيياسى دەپارتامەنتٸنٸڭ باسشىسى) جەنە ساريەۆ ع. (باسقارۋشى ديرەكتور) ەسٸمدٸ لاۋازىمدى تۇلعالار جٷيەلٸ تٷردە "نۇرلى جول" مەملەكەتتٸك باعدارلاماسى اياسىندا جالدامالى تۇرعىن ٷي كەشەنٸن ساتۋ قىزمەتتەرٸن كٶرسەتەتٸن قۇرىلىس كومپانييالارىنان ٸرٸ كٶلەمدە پارا العانى انىقتالدى.
