«قازاقستان تەمٸر جولى» ۇلتتىق كومپانيياسى تٶراعاسىنىڭ بٸرٸنشٸ ورىنباسارى قانات ەلماعامبەتوۆ «تالگو» پويىزىنداعى رەزونانستى قىلمىس بويىنشا كٸمدەردٸڭ جازاعا تارتىلعانىن باق ٶكٸلدەرٸنە ايتىپ بەردٸ, دەپ حابارلايدى قازاقپارات.
ەۋەلٸ قتج ٶكٸلٸ جولسەرٸكتەردەن زەبٸر كٶرگەن جولاۋشىعا قاي جاعدايدا مورالدٸك شىعىن تٶلەيتٸندەرٸن ايتتى.
«سوت اياقتالعانىمەن, ٷكٸم ەلٸ كٷشٸنە ەنگەن جوق. ٷكٸم كٷشٸنە ەنگەننەن كەيٸن وعان تولىق قۇقىقتىق باعا بەرٸلەتٸن بولادى. ٶتەماقى تٶلەۋ مەسەلەسٸ زاڭناماعا سەيكەس جٷزەگە اساتىن بولادى. ەگەر سوت «قازاقستان تەمٸر جولى» ۇلتتىق كومپانيياسى وسىنشاما سومادا مورالدٸك شىعىن تٶلەۋٸ كەرەك دەگەن شەشٸم شىعارسا, بٸز تٶلەۋگە دايىنبىز», - دەدٸ قانات ەلماعامبەتوۆ.
ونىڭ ايتۋىنشا, وسى وقيعادان كەيٸن جولسەرٸكتەردەن بٶلەك باسشىلىق لاۋازىمداعى بٸرنەشە قىزمەتكەر جۇمىستان قۋىلعان.
«ەكٸ جولسەرٸك بىلتىر جۇمىستان قۋىلعان بولاتىن. پويىز باستىعى دا قىزمەتتەن الاستاتىلدى. جۋىقتا عانا قوسىمشا تالداۋ جٷرگٸزٸلدٸ. «جولاۋشىلار تاسىمالى» اق باس ديرەكتورىنىڭ جولسەرٸكتەر رەزەرۆٸنە جاۋاپتى ورىنباسارىنا قاتاڭ سٶگٸس جارييالانىپ, دەپارتامەنت ديرەكتورى جۇمىستان قۋىلدى. «جولاۋشىلار تاسىمالى» اق-نىڭ اقتٶبە وبلىستىق فيليالىنىڭ ديرەكتورى قىزمەتتەن الىندى», - دەدٸ ول.
