فوتو: قر تسم
گەرمانييانىڭ ينتسەلل قالاسىندا ٶتكەن جاسٶسپٸرٸمدەر اراسىنداعى ەلەم چەمپيوناتىندا قازاقستاندىق سپورتشى كريستينا شۋمەكوۆا تاماشا نەتيجە كٶرسەتٸپ, ٷشٸنشٸ التىن مەدالٸن جەڭٸپ الدى, دەپ حابارلايدى Ult.kz.
بۇل جولى وتانداسىمىز 1000 مەتر قاشىقتىقتا 1:16.34 ۋاقىت كٶرسەتكٸشٸمەن مەرە سىزىعىن بٸرٸنشٸ بولىپ كەسٸپ, قارسىلاستارىنان وق بويى وزىق شىقتى. بۇعان دەيٸن ول 500 جەنە 1500 مەتر قاشىقتىقتارىندا دا توپ جارىپ, ەكٸ التىن مەدال ەنشٸلەگەن بولاتىن. وسىلايشا كريستينا جاسٶسپٸرٸمدەر اراسىندا ٷش دٷركٸن ەلەم چەمپيونى اتاندى.
سونىمەن قاتار قازاقستان قۇراماسىنىڭ ٶزگە سپورتشىلارى دا جارىس جولىنا شىقتى. اناستاسييا بەلوۆودوۆا 1:17.99 نەتيجەسٸمەن جەتٸنشٸ ورىنعا يە بولسا, ۆارۆارا گلۋحوۆا 32-ورىننان كٶرٸندٸ. ايزادا رىمبەك جارىستى 34-ساتىدا اياقتادى.
كٶپسايىس قورىتىندىسى بويىنشا كريستينا شۋمەكوۆا 156.001 ۇپاي جيناپ, ابسوليۋتتٸ ەلەم چەمپيونى اتاعىنا قول جەتكٸزدٸ. سونداي-اق 3000 مەتر قاشىقتىقتا كٷمٸس جٷلدەگە يە بولدى. ايتا كەتەرلٸگٸ, بۇعان دەيٸن جاسٶسپٸرٸمدەر اراسىنداعى ەلەم چەمپيوناتىندا قازاقستان اتىنان ەشبٸر سپورتشى مۇنداي بيٸك نەتيجەگە جەتپەگەن.
مەملەكەت باسشىسى قاسىم-جومارت توقاەۆ سپورتشىنى تاريحي جەتٸستٸگٸمەن قۇتتىقتاپ, بۇل جەڭٸستٸ وتاندىق سپورت تاريحىنداعى ەرەكشە وقيعا رەتٸندە باعالادى. پرەزيدەنتتٸڭ ايتۋىنشا, مۇنداي تابىس – تالانت پەن تاباندى ەڭبەكتٸڭ, تەمٸردەي تەرتٸپ پەن جەڭٸسكە دەگەن مۇقالماس جٸگەردٸڭ جەمٸسٸ.
ٶز كەزەگٸندە تۋريزم جەنە سپورت مينيسترٸ ەربول مىرزابوسىنوۆ تا كريستينا شۋمەكوۆانىڭ تاريحي جەڭٸسٸن جوعارى باعالاپ, سپورتشىنى دايىنداعان جاتتىقتىرۋشىلار قۇرامىنا جەنە بٷكٸل كومانداعا العىس بٸلدٸردٸ.
كريستينا شۋمەكوۆا حالىقارالىق ارەنادا قازاقستاننىڭ ابىرويىن اسقاقتاتىپ, جاس سپورتشىلارعا جارقىن ٷلگٸ كٶرسەتتٸ.
