Foto: QR TSM
Germaniianyń Intsell qalasynda ótken jasóspirimder arasyndaǵy álem chempionatynda qazaqstandyq sportshy Kristina Shýmekova tamasha nátije kórsetip, úshinshi altyn medalin jeńip aldy, dep habarlaidy Ult.kz.
Bul joly otandasymyz 1000 metr qashyqtyqta 1:16.34 ýaqyt kórsetkishimen máre syzyǵyn birinshi bolyp kesip, qarsylastarynan oq boiy ozyq shyqty. Buǵan deiin ol 500 jáne 1500 metr qashyqtyqtarynda da top jaryp, eki altyn medal enshilegen bolatyn. Osylaisha Kristina jasóspirimder arasynda úsh dúrkin álem chempiony atandy.
Sonymen qatar Qazaqstan quramasynyń ózge sportshylary da jarys jolyna shyqty. Anastasiia Belovodova 1:17.99 nátijesimen jetinshi orynǵa ie bolsa, Varvara Glýhova 32-orynnan kórindi. Aizada Rymbek jarysty 34-satyda aiaqtady.
Kópsaiys qorytyndysy boiynsha Kristina Shýmekova 156.001 upai jinap, absoliýtti álem chempiony ataǵyna qol jetkizdi. Sondai-aq 3000 metr qashyqtyqta kúmis júldege ie boldy. Aita keterligi, buǵan deiin jasóspirimder arasyndaǵy álem chempionatynda Qazaqstan atynan eshbir sportshy mundai biik nátijege jetpegen.
Memleket basshysy Qasym-Jomart Toqaev sportshyny tarihi jetistigimen quttyqtap, bul jeńisti otandyq sport tarihyndaǵy erekshe oqiǵa retinde baǵalady. Prezidenttiń aitýynsha, mundai tabys – talant pen tabandy eńbektiń, temirdei tártip pen jeńiske degen muqalmas jigerdiń jemisi.
Óz kezeginde Týrizm jáne sport ministri Erbol Myrzabosynov ta Kristina Shýmekovanyń tarihi jeńisin joǵary baǵalap, sportshyny daiyndaǵan jattyqtyrýshylar quramyna jáne búkil komandaǵa alǵys bildirdi.
Kristina Shýmekova halyqaralyq arenada Qazaqstannyń abyroiyn asqaqtatyp, jas sportshylarǵa jarqyn úlgi kórsetti.
