رەسەي فەدەراتسيياسى پرەزيدەنتٸنٸڭ باسپاسٶز حاتشىسى دميتريي پەسكوۆ دٷنيەجٷزٸلٸك دەنساۋلىق ساقتاۋ ۇيىمىنىڭ «رەسەيدە كوروناۆيرۋستان قايتىس بولعاندار سانى باسقا ەلدەرگە قاراعاندا از ەكەنٸ «قىزىق» دەگەن مەلٸمدەمەسٸنە جاۋاپ بەردٸ. بۇل تۋرالى تاسس اگەنتتٸگٸ حابارلادى.
پەسكوۆتىڭ ايتۋىنشا رەسەيلٸك دەرەكتەردە ەرەكشە ەشتەڭە جوق. سونىمەن قاتار, ول رەسەيدەگٸ تيٸستٸ ورگاندار ددسۇ-مەن بايلانىستا ەكەنٸن اتاپ ٶتٸپ, «ولار بۇل مەسەلەنٸڭ شەشٸمٸن تاۋىپ, ددسۇ-نىڭ بارلىق سۇراعىنا جاۋاپ بەرەدٸ دەپ ويلايمىن» دەدٸ.
پەسكوۆ كوروناۆيرۋستان كٶز جۇمعانداردى ەسەپتەۋ تەسٸلٸنە قاتىستى سۇراققا جاۋاپ بەرمەدٸ. «مەن بۇل سۇراققا قاتىستى ەشتەڭە تٷسٸندٸرە المايمىن. وعان ەپيدەميولوگتارىمىز لايىقتى جاۋاپ بەرەدٸ دەپ ٷمٸتتەنەمٸن» دەپ سۇراقتى سالا ماماندارىنا جولدادى.
سەرسەنبٸ كٷنٸ جەنەۆاداعى بريفينگتە ددسۇ-نىڭ تٶتەنشە جاعداي جٶنٸندەگٸ ديرەكتورى مايكل رايان رەسەيدە كوروناۆيرۋستان قايتىس بولعاندار سانى باسقا ەلدەرمەن سالىستىرعاندا از ەكەنٸن «قىزىق» قۇبىلىس دەپ اتادى.
ددسۇ مەملەكەتتەرگە COVID-19-دان بولعان ٶلٸمگە قاتىستى ستاندارتتى ۇسىنىس پەن سەرتيفيكاتسييا تاراتتى. دەگەنمەن, ديرەكتوردىڭ سٶزٸنشە, بۇل - كٷردەلٸ پروتسەدۋرا, سەبەبٸ ٶلٸمگە سەبەپ بولاتىن جاناما جايتتار بولۋى مٷمكٸن.
