بٷگٸن گفر-دٸڭ شىعىس ەۋروپا, كاۆكاز جەنە ورتالىق ازييا ەلدەرٸمەن ىنتىماقتاستىق مەسەلەلەرٸ جٶنٸندەگٸ ۋەكٸلٸ ماتتياس ليۋتەنبەرگ باستاعان دەلەگاتسييا ەلورداعا كەلدٸ, دەپ حابارلايدى قازاقپارات تٸلشٸسٸ.
«بٷگٸن گەرمانييا فەدەراتيۆتٸك رەسپۋبليكاسى مەن قازاقستان رەسپۋبليكاسى اراسىندا ديپلوماتييالىق قاتىناستىڭ ورناعانىنا 30 جىل تولۋىن اتاپ ٶتٸپ وتىرمىز. ۆەربالدىق نوتالاردى الماسۋدان باستالىپ, قازٸرگٸ تاڭدا كٶپقىرلى جەنە قارقىندى قارىم-قاتىناسقا اينالدى. جەكە ٶزٸم وسى ٸس-شاراعا بايلانىستى قازاقستاننىڭ استاناسى نۇر-سۇلتاندا بولعانىما ٶتە قۋانىشتىمىن. مينيستردٸڭ ورىنباسارى مىرزا, جاڭا عانا جاسالعان سىندارلى جەنە دوستىق كەلٸسسٶز ٷشٸن راحمەت. مەرەيتوي بٸزگە ىنتىماقتاستىق دەڭگەيٸنە وڭ باعا بەرۋگە, سونداي-اق بولاشاققا سەنٸممەن قاراۋعا مٷمكٸندٸك بەرەدٸ. گەرمانييا قازاقستاننىڭ تەۋەلسٸزدٸگٸن مويىنداعان العاشقى ەلدەردٸڭ بٸرٸ بولدى. بٸزگە ورتالىق ازيياداعى جاڭا مەملەكەتتەردٸڭ تەۋەلسٸزدٸگٸنە بەلسەندٸ قولداۋ كٶرسەتۋ ماڭىزدى بولدى», - دەدٸ ماتتياس ليۋتەنبەرگ باق-تىڭ قاتىسۋىمەن ٶتكەن باسپاسٶز مەسليحاتىندا.
ونىڭ ايتۋىنشا, 30 جىلدىڭ ٸشٸندە ەكٸ ەل اراسىندا سەنٸمدٸ قارىم-قاتىناس ورناعان.
«قازاقستان پرەزيدەنتٸ قاسىم-جومارت توقاەۆتىڭ باستاماسىمەن, ونىڭ ٸشٸندە قازٸرگٸ ۋاقىتتا قازاقستاننىڭ الدىندا تۇرعان كٷردەلٸ سىن-تەگەۋرٸندەردٸ جەنە قولعا الىنعان رەفورمالار پروتسەسٸن سٷيەمەلدەۋگە جەنە قولداۋعا دايىنبىز. بٸز دەموكراتييانىڭ نىعايۋى مەن قوعامنىڭ جاڭعىرۋى قازاقستان حالقىنىڭ بولاشاعىنا وڭ ەسەر ەتەتٸنٸنە سەنٸمدٸمٸز. گەرمانييا قازاقستاندى ٶڭٸردەگٸ جەنە حالىقارالىق فورۋمدارداعى ماڭىزدى باستاماشى رەتٸندە, ٶڭٸرلٸك ىنتىماقتاستىق مەسەلەلەرٸ بويىنشا, سونداي-اق كليماتتىڭ ٶزگەرۋٸ سەكٸلدٸ حالىقارالىق پروبلەمالار بويىنشا ەرٸپتەس رەتٸندە باعالايدى», - دەيدٸ ول.
