قر پرەزيدەنتٸ قاسىم-جومارت توقاەۆ جاھاندىق جىلىنۋ ٷدەرٸسٸ, سۋ جەنە ازىق-تٷلٸك قاۋٸپسٸزدٸگٸ, ترانسشەكارالىق سۋ رەسۋرستارىن تيٸمدٸ پايدالانۋ سەكٸلدٸ اسا ماڭىزدى مەسەلەردٸ بٸرلەسٸپ شەشۋ قاجەتتٸگٸن ايتتى, دەپ حابارلايدى قازاقپارات.
«بٷگٸندە بارشا ادامزات جاھاندىق جىلىنۋ ٷدەرٸسٸنە الاڭداپ وتىر. حالىقارالىق قاۋىمداستىق وسىعان بايلانىستى شۇعىل شارالار قابىلداۋعا مٷددەلٸ. قازٸر سۋ جەنە ازىق-تٷلٸك قاۋٸپسٸزدٸگٸن قامتاماسىز ەتۋ – ٶزەكتٸ مەسەلە. بٸز بيداي ەگٸپ, ۇن ٶندٸرەتٸن ەڭ ٸرٸ ون ەلدٸڭ ساناتىنا كٸرەمٸز. جىل سايىن سىرتقى نارىققا 7 ميلليون تونناعا دەيٸن بيداي شىعارامىز», - دەدٸ مەملەكەت باسشىسى تٷركٸ مەملەكەتتەرٸ ۇيىمىنىڭ سامميتٸندە.
قازاقستان – ورتالىق ازيياداعى استىق ەكسپورتتايتىن بٸردەن-بٸر مەملەكەت.
«الايدا, بٸزدٸڭ ەلٸمٸزدەگٸ بيداي ٶنٸمٸنٸڭ ازايۋىنا جول بەرمەۋ ٷشٸن, سونداي-اق, بٷكٸل ايماقتىڭ ازىق-تٷلٸك قاۋٸپسٸزدٸگٸنە قاتەر تٶندٸرمەۋ ٷشٸن ترانسشەكارالىق سۋ رەسۋرستارىن تيٸمدٸ پايدالانۋىمىز كەرەك. بۇل – ٶتە ماڭىزدى مٸندەت. تٷپتەپ كەلگەندە, وسىنداي شارالار بٸزدٸڭ ەلدەرٸمٸزدٸڭ ٶسٸپ-ٶركەندەۋٸنە تٸكەلەي ىقپال ەتەدٸ. سوندىقتان, ٶزدەرٸڭٸزبەن بٸرلەسٸپ, گيدروقۇرىلىمدار سالۋعا دايىنبىز», - دەدٸ پرەزيدەنت.
بۇدان بۇرىن حابارلانعانداي, «تٷركٸتٸلدەس مەملەكەتتەردٸڭ ىنتىماقتاستىق كەڭەسٸ» ەندٸ «تٷركٸ مەملەكەتتەرٸ ۇيىمى» دەپ اتالدى.
