قپل: «اتىراۋ» التىنشى ورىنعا كٶتەرٸلدٸ

بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ 13-تۋرىنىڭ تاعى ەكٸ ويىنى اياقتالدى, دەپ حابارلايدى "ۇلت اقپارات". 

اتالعان تۋرداعى ەكٸنشٸ ويىن كٷنٸندەگٸ بٸر كەزدەسۋ شىمكەنتتە جەرگٸلٸكتٸ «ورداباسى» مەن «تاراز» اراسىندا ٶتكٸزٸلدٸ. وڭتٷستٸك ٶلكەنٸڭ قوس كومانداسى اراسىنداعى جەكپە-جەكتە 1:1 ەسەبٸ تٸركەلدٸ. ويىن بارىسىندا «تاراز» ساپىنان ەلدوس احمەتوۆتٸڭ 77-مينۋتىندا سوققان گولىنا 82-مينۋتتا شىمكەنتتٸك ەركەبۇلان تۇڭعىشباەۆ بٸر دوپپەن جاۋاپ قايىردى. 

ال پەتروپاۆلدا جەرگٸلٸكتٸ «قىزىلجار» «اتىراۋعا» 0:1 ەسەبٸمەن جول بەردٸ. كەزدەسۋ تاعدىرىن 86-مينۋتتا اتىراۋلىق ۆيكتور دميتريەنكو سوققان جالعىز گول شەشتٸ. وسىلايشا اتىراۋلىقتار تۋرنير كەستەسٸندە التىنشى ورىنعا كٶتەرٸلدٸ. 

اتالعان تۋرداعى ٷش ويىن كەشە, 23 مامىردا ٶتكٸزٸلدٸ. العاشقى ويىندا «جەتٸسۋ» «قايساردان» 2:0 ەسەبٸمەن باسىم تٷسسە, «تۇران» سىرت الاڭدا «اقتٶبەنٸ» 1:0 ەسەبٸمەن تٸزە بٷكتٸردٸ. ال «استانا» مەن «قايرات» اراسىنداعى كەزدەسۋ 1:1 ەسەبٸمەن اياقتالدى. 

ەندٸ بٷگٸن تاعى ەكٸ كەزدەسۋ ٶتكٸزٸلٸپ, «شاحتەر» (قاراعاندى) مەن «توبىل» (قوستاناي), «اقجايىق» (ورال) مەن «كاسپيي» (اقتاۋ) ويىندارى بولادى.