Búgin fýtboldan Premer-liga komandalary arasyndaǵy el birinshiliginiń 13-týrynyń taǵy eki oiyny aiaqtaldy, dep habarlaidy "Ult aqparat".
Atalǵan týrdaǵy ekinshi oiyn kúnindegi bir kezdesý Shymkentte jergilikti «Ordabasy» men «Taraz» arasynda ótkizildi. Ońtústik ólkeniń qos komandasy arasyndaǵy jekpe-jekte 1:1 esebi tirkeldi. Oiyn barysynda «Taraz» sapynan Eldos Ahmetovtiń 77-minýtynda soqqan golyna 82-minýtta shymkenttik Erkebulan Tuńǵyshbaev bir doppen jaýap qaiyrdy.
Al Petropavlda jergilikti «Qyzyljar» «Atyraýǵa» 0:1 esebimen jol berdi. Kezdesý taǵdyryn 86-minýtta atyraýlyq Viktor Dmitrienko soqqan jalǵyz gol sheshti. Osylaisha atyraýlyqtar týrnir kestesinde altynshy orynǵa kóterildi.
Atalǵan týrdaǵy úsh oiyn keshe, 23 mamyrda ótkizildi. Alǵashqy oiynda «Jetisý» «Qaisardan» 2:0 esebimen basym tússe, «Turan» syrt alańda «Aqtóbeni» 1:0 esebimen tize búktirdi. Al «Astana» men «Qairat» arasyndaǵy kezdesý 1:1 esebimen aiaqtaldy.
Endi búgin taǵy eki kezdesý ótkizilip, «Shahter» (Qaraǵandy) men «Tobyl» (Qostanai), «Aqjaiyq» (Oral) men «Kaspii» (Aqtaý) oiyndary bolady.
