بٷگٸن فۋتبولدان پرەمەر-ليگا كوماندالارى اراسىنداعى قازاقستان بٸرٸنشٸلٸگٸندە ەلوردالىق «استانا» بەسٸنشٸ جىل قاتارىنان چەمپيون اتاندى, دەپ حابارلايدى "ۇلت اقپارات".
بۇل تۋرداعى باستى كەزدەسۋ قوستاناي قالاسىندا ٶتكٸزٸلدٸ. جەرگٸلٸكتٸ «توبىل» ەلوردالىق «استانانى» قابىلدادى.
ەكٸ كوماندا ٷشٸن دە بٷگٸنگٸ ويىننىڭ ماڭىزى زور ەدٸ. «استانا» چەمپيوندىققا ٷمٸتكەر بولسا, «توبىل» ٷشٸنشٸ ورىن ٷشٸن بەسەكە كٶرٸگٸن قىزدىرىپ كەلەدٸ. دەگەنمەن اتالمىش ويىندا ەلوردالىق كلۋبتىڭ جولى بولدى. ولاردىڭ قاتارىنان 37-مينۋتتا يۋريي لوگۆينەنكو قاقپانى دەل كٶزدەدٸ. «استانا» وسىلايشا قوستانايلىق كلۋبتى 1:0 ەسەبٸمەن جەڭٸپ, بٸر تۋر بۇرىن چەمپيوندىق اتاققا قول جەتكٸزدٸ.
چەمپيوندىققا ٷمٸتكەر كوماندانىڭ بٸرٸ - الماتىنىڭ «قايراتى» بۇل جولى سىرت الاڭدا پاۆلوداردىڭ «ەرتٸس» كومانداسىمەن كەزدەستٸ. ويىن بارىسىندا الاڭ يەلەرٸ تەپ-تەۋٸر ويىن كٶرسەتتٸ. نەتيجەسٸندە 38-مينۋتتا سۇلتان ساعىناەۆ, 62-مينۋتتا جەرەمي مانزوررو مەرگەندٸك تانىتتى. ودان كەيٸن پاۆلودارلىق كلۋب ساپىنان ميلوش ستامەنكوۆيچ, ارمان كەڭەسوۆ, كارلوس فونسەكالار تاعى دا ٷش گول سوقتى. نەتيجەسٸندە «قايرات» قارسىلاسىنان 0:5 ەسەبٸمەن جەڭٸلٸپ, بيىلعى دوپ دوداسىندا كٷمٸس مەدالدٸ قاناعات تۇتتى.
قازٸرگٸ ۋاقىتتا ٷشٸنشٸ ورىن ٷشٸن سايىسقا تٷسٸپ جٷرگەن شىمكەنتتٸڭ «ورداباسى» كلۋبى سىرت الاڭدا «اتىراۋ» كومانداسىمەن سىنعا تٷسكەن ەدٸ. بۇل كەزدەسۋدە اتىراۋلىق پەتر گجەلچاك 12-مينۋتتا شىمكەنتتٸك كلۋب قاقپاسىن دەل كٶزدەسە, وعان شىمكەنتتٸك شابۋىلشى جواو پوالو 42-مينۋتتا بٸر گولمەن جاۋاپ قايىردى. ودان كەيٸن شىمكەنتتٸك شابۋىلشى الەكسەي ششەتكين 87, زيكي باديبانگا 90-مينۋتتا گول سوعىپ كەتتٸ. وسىلايشا «ورداباسى» قارسىلاسىنان 3:1 ەسەبٸمەن باسىم تٷستٸ. ايتا كەتەرلٸگٸ, «اتىراۋ» كومانداسى تۋرنير كەستەسٸندەگٸ جاعدايىن جاقسارتۋعا كٷش سالىپ كەلەدٸ. ولار قازٸر 11-ورىندا تۇر. بۇل ورىنداعى كوماندا چەمپيونات بٸتكەندە بٸرٸنشٸ ليگاعا تٷسٸپ قالادى. سوندىقتان اتىراۋلىق كلۋب 10-ورىن ٷشٸن «تاراز» كومانداسىمەن تارتىسقا تٷسٸپ جٷر.
«تاراز» كومانداسى بٷگٸن ٶز الاڭىندا قىزىلوردانىڭ «قايسار» كومانداسىمەن كەزدەستٸ. الاڭ يەلەرٸ كەزدەسۋ بارىسىندا جاقسى ويىن ٶرنەگٸن كٶرسەتتٸ. ولاردىڭ قاتارىنان 12-مينۋتتا ەلٸشەر سٷلەي ەسەپ اشسا, قىزىلوردالىق كوماندا قاتارىنان 30-مينۋتتا اندرە بۋكيا تارازى باسىن تەڭەستٸردٸ. ال 46-مينۋتتا «تاراز» 46-مينۋتتا بەكزات شادمانوۆ قايتادان ٶز كومانداسىن العا شىعاردى. ويىندا تارازدىق كلۋب 2:1 ەسەبٸمەن جەڭٸسكە جەتتٸ.
سونداي-اق, بٷگٸن «اقتٶبە» ٶز الاڭىندا قاراعاندىنىڭ «شاحتەرٸن» قابىلدادى. بۇل ويىندا اقتٶبەلٸك كلۋب ساپىنان الەكساندر كيتساك 29, ابات ايىمبەتوۆ 32, 62-مينۋتتاردا گول سوقسا, «شاحتەردەن» يۆان پەشيچ 46, ارتۋر رەجينالدو 58-مينۋتتا ەكٸ گولمەن جاۋاپ قايىردى. «اقتٶبە» قارسىلاسىنان 3:2 ەسەبٸمەن تٸزە بٷكتٸردٸ.
بۇل تۋرداعى كٶكشەتاۋدىڭ «وقجەتپەسٸ» مەن «جەتٸسۋ» كوماندالارى اراسىنداعى كەزدەسۋدە 1:1 ەسەبٸمەن تٸركەلدٸ. گولداردى كٶكشەتاۋلىق كلۋب ساپىنا 78-مينۋتتا سانات جۇماحانوۆ, تالدىقورعاندىقتار قاتارىنان مارتين توشەۆ 75-مينۋتتا ٶزٸنٸڭ ەنشٸسٸنە جازدى.
ەندٸ سوڭعى تۋر ويىندارى 10 قاراشا كٷنٸ ٶتكٸزٸلەدٸ. بۇل كٷنٸ «استانا» مەن «ەرتٸس», «جەتٸسۋ» مەن «شاحتەر», «قايرات» پەن «اتىراۋ», «قايسار» مەن «وقجەتپەس», «ورداباسى» مەن «تاراز», «توبىل» مەن «اقتٶبە» كوماندالارى كەزدەسەدٸ.
