قر مەدەنيەت جەنە سپورت مينيسترلٸگٸ, «ەزٸرەت سۇلتان» مەملەكەتتٸك تاريحي-مەدەني قورىق-مۋزەيٸنٸڭ ۇيىمداستىرۋىمەن قوجا احمەت ياساۋي كەسەنەسٸنٸڭ قازاندىق بٶلمەسٸندە «قاسيەتتٸ لاۋحانىڭ جاڭعىرىلۋى» شاراسى ٶتتٸ, دەپ حابارلايدى "ۇلت اقپارات".
قورىق-مۋزەيٸنٸڭ باسپاسٶز قىزمەتٸنٸڭ مەلٸمەتٸنشە, تاريحي لاۋحالاردى (تۋدىڭ باسى) ورناتۋعا ارنالعان شاراعا تٷركٸستان قالاسىنىڭ ەكٸمٸ راشيد ايۋپوۆ, وبلىستىق, قالالىق ارداگەرلەر كەڭەسٸنٸڭ مٷشەلەرٸ, زييالى قاۋىم ٶكٸلدەرٸ قاتىستى.
شارا بارىسىندا قالا باسشىسى راشيد ايۋپوۆ تاريحي ماڭىزعا يە جەدٸگەرلەردٸ قايتا جاڭعىرتىپ, ٶز ورنىنا ورنالاستىرعان قر مەدەنيەت جەنە سپورت مينيسترلٸگٸ مەن «ەزٸرەت سۇلتان» مەملەكەتتٸك تاريحي-مەدەني قورىق-مۋزەيٸنە العىس بٸلدٸردٸ.
«بٷگٸن – ٶتكەنٸمٸزدٸ قايتا جاڭعىرتىپ, جوعالتقانىمىزدى تاپقان ەرەكشە كٷن. ەلباسى نۇرسۇلتان ەبٸشۇلىنىڭ «بولاشاققا باعدار: رۋحاني جاڭعىرۋ« باعدارلاماسى اياسىندا مۇحاممەد (س.ا.ۋ.) پايعامبارىمىزدان باستاپ مۇسىلمان ەلەمٸنە مەشھٷر احمەت ەسٸمٸمەن ەيگٸلٸ شايىقتاردىڭ ەسٸمدەرٸ جازىلعان لاۋحالار تايقازاننىڭ اينالاسىنا, ياعني تاريحي ورنىنا قايتا ورناتىلدى. تٶل جەدٸگەرلەرٸمٸزدٸ, تاريحىمىزدى تٷگەندەپ, ناسيحاتتاۋ بولاشاق ۇرپاق ٷشٸن ماڭىزدى مۇرا بولىپ قالارى سٶزسٸز. تاريحىمىزدى تانۋ, جاڭعىرتۋ جولىنداعى ماڭىزدى كٷنمەن بارشاڭىزدى قۇتتىقتايمىن», - دەدٸ «ەزٸرەت سۇلتان» مەملەكەتتٸك تاريحي-مەدەني قورىق-مۋزەيٸنٸڭ ديرەكتورى نۇربولات احمەتجانوۆ.
قوجا احمەت ياساۋي كەسەنەسٸندەگٸ تايقازاندى قورشاي ورنالاسقان ون لاۋحا جٶنٸندە 1871-1872 جج. ورىس ساياحاتشىسى ا.ل.كۋننىڭ البومىندا جەنە م.ە.ماسسون 1928 جىلى تٷركٸستانعا ارنايى كەلگەن ساپارىندا: «تايقازاننىڭ ون قۇلاعىنا جىلقى قىلىمەن ۇشتالعان, كەيبٸرٸ جارتى اي سەكٸلدٸ يٸلٸپ بٸتكەن, تەمٸرمەن قاپتالعان ۇزىن ون لاۋحا بەكٸتٸلگەن» - دەپ جازادى. 1935-1940 جىلدارى كەسەنە قاراۋسىز قالعان تۇستا ون لاۋحا قولدى بولعاندىعى جايىندا دەرەكتەر كەزدەسەدٸ. عالىم پ.ن.احمەروۆتٸڭ «احمەت ياساۋي مٶرٸنٸڭ جازباسى» اتتى ەڭبەگٸندە ون لاۋھالاردا جەنە مٶردە مۇسىلمان ەلەمٸنە بەلگٸلٸ احمەت ەسٸمٸمەن ەيگٸلٸ بولعان شايىقتاردىڭ ەسٸمدەرٸ جازىلعاندىعى ايتىلادى. ولاردىڭ بەرٸلۋ تەرتٸبٸ مىنانداي:
1. «احمەت (ياعني مۇحاممەد (س.ا.ۋ.)-اللانىڭ ەلشٸسٸ».
2. «شايىق احمەت حانبال».
3. «احمەت حەيرۋن-ناساج» (توقىماشىلاردىڭ ەڭ ٷزدٸگٸ).
4. «شايىق احمەت اركام» (شۇبار الا).
5. «شايىق احمەت حازراۆي».
6. «شايىق احمەت راۆييا» (راۆييالٸك).
7. «شايىق احمەت مۇحتار» (تاڭداۋلى).
8. «شايىق احمەت حامي» (ساقتاۋشى).
9. «شايىق احمەت كابير» (ۇلى).
10. «شايىق احمەت ساعاري»-دەپ اتالادى.
شاراعا قاتىسۋشىلار «قاسيەتتٸ لاۋحانىڭ تاريحى» كٶرمەسٸن تاماشالادى.
