فوتو: ايزادا اگيلباەۆا/ Kazinform
قاراعاندى وبلىسىنىڭ ەكٸمٸ كوستەنكو اتىنداعى شاحتانىڭ ەلەكتر دەنەكەرلەۋشٸسٸ ايبار قوسانوۆقا مەملەكەت باسشىسىنىڭ اتىنان «ەڭبەك داڭقى» وردەنٸن تابىس ەتتٸ. ول كونۆەيەرلٸك شترەكتەگٸ تٷتٸندٸ جالعىز ٶزٸ جويعان بولاتىن, دەپ حابارلايدى "ۇلت اقپارات" Kazinform-عا سٸلتەمە جاساپ.
ەستەرٸڭٸزگە سالا كەتەيٸك, 2 مامىر كٷنٸ كەشكە كوستەنكو اتىنداعى شاحتاداعى ك3 قاباتىنىڭ 4-شٸ كونۆەيەرلٸك شترەگٸندەگٸ تٷتٸن شىققان بولاتىن. كونۆەيەرلٸك شترەك ۋچاسكەسٸنٸڭ ەلەكتر دەنەكەرلەۋشٸسٸ ايبار قوسانوۆ العاشقى ٶرت سٶندٸرۋ قۇرالدارىنىڭ كٶمەگٸمەن تٷتٸندٸ جويدى.
سونىمەن قاتار شاحتانىڭ باسقارۋ بٶلمەسٸندە تٷتٸن تۋرالى ەسكەرتۋ جٷيەسٸ دە ٸسكە قوسىلعان بولاتىن. تٷتٸن جويىلعانىنا قاراماستان, ەۆاكۋاتسييا جوسپارىن ەنگٸزۋ جەنە 194 كەنشٸنٸ جەر بەتٸنە شىعارۋ تۋرالى شەشٸم قابىلداندى. الدىن الا بولجام بويىنشا, تٷتٸننٸڭ پايدا بولۋىنا تٶمەنگٸ كەنەپتٸڭ روليگٸنە بٶگدە زاتتىڭ تٷسۋٸ, سونىڭ سالدارىنان روليكتٸڭ جۇمىسى بۇعاتتالۋى سەبەپ بولدى. بۇل كونۆەيەر تاسپاسىنىڭ تٷتٸندەۋٸنە ەكەپ سوققان.
بٷگٸن ەل پرەزيدەنتٸ قاسىم-جومارت توقاەۆ كوستەنكو اتىنداعى شاحتانىڭ جەراستى ۋچاسكەسٸنٸڭ ەلەكتر سلەسارٸ ايبار قوسانوۆتى ٸٸٸ دەرەجەلٸ «ەڭبەك داڭقى» وردەنٸمەن ماراپاتتادى.
«ايبار تاپقىرلىق تانىتتى. ول شاحتادا بولۋى مٷمكٸن قايعىلى وقيعانىڭ الدىن الدى. ەڭبەگٸڭٸز ٷشٸن راقمەت, اتا-اناڭىزعا وسىنداي ۇل تەربيەلەگەنٸ ٷشٸن راقمەت», - دەدٸ قاراعاندى وبلىسىنىڭ ەكٸمٸ ەرماعانبەت بٶلەكپاەۆ.
ايتا كەتۋ كەرەك, 28 قازاندا بۇل شاحتادا گاز-اۋا قوسپاسى جارىلعان بولاتىن. سالدارىنان 46 كەنشٸ قازا تاپتى. قايعىلى وقيعانىڭ ەلٸ ٸزٸ سۋي قويماعانانى قاراماستان, ايبار ەش جٷرەكسٸنبەستەن, تاعى بٸر وقيعانىڭ الدىن الدى. شاحتا باسشىلىعى ونىڭ ەرلٸگٸنە ريزا.
«ايبار تەز جيناقتالىپ, شاپشاڭ ەرەكەت ەتتٸ. 750 مەترگە دەيٸن جٷگٸرٸپ ٶتتٸ. بۇل – ەرلٸك. ەگەر ول بولماسا, وقيعا سالدارىن بولجاۋ مٷمكٸن بولماس ەدٸ. ول ارنايى دايىندىقتان ٶتكەن جوق, سوندىقتان ول جەرگە بارۋعا مٸندەتتٸ ەمەس ەدٸ. بٸراق قاۋٸپكە قاراماي, ەرٸپتەستەرٸن قۇتقاردى», - دەيدٸ كوستەنكو شاحتاسىنىڭ ديرەكتورى دەنيس دىموۆ.
«مەن تٷتٸن تۋرالى ەستٸگەن بويدا بٸردەن 700 مەتر تٶمەنگە قاراي جٷگٸردٸم. تٷتٸندٸ كٶرگەندە ەكٸ ٶرت سٶندٸرگٸشتٸ الىپ, وشاققا قاراي باردىم. ول كەزدە ەشتەڭە ويلامادىم. مەن تەك ادامداردى قۇتقارعىم كەلدٸ. تٸپتٸ, وتباسىم تۋرالى دا ويلامادىم», - دەيدٸ ايبار قوسانوۆ.
ايبار قوسانوۆ 38 جاستا. ول شەت اۋدانىنىڭ تۋماسى. كوستەنكو شاحتاسىندا قىزمەت ەتٸپ جاتقانىنا ٷش جىل بولدى. جۇبايىمەن ەكٸ بالا تەربيەلەپ وتىر.
