قوستاناي وبلىسىنىڭ جانگەلدين اۋدانىندا بٸر توپ جاس اتقا مٸنٸپ, مەملەكەتتٸك تۋ شەرۋٸن ۇيىمداستىردى, دەپ حابارلايدى "ۇلت اقپارات".
جانگەلدين اۋدانى ٸشكٸ ساياسات باسقارماسىنىڭ مەلٸمەتٸنشە, بۇل باستاما قر پرەزيدەنتٸ قاسىم-جومارت توقاەۆتىڭ مەملەكەتتٸك تۋدى كەڭٸنەن قولدانۋ تۋرالى ۇسىنىسىنان كەيٸن تۋىنداعان. شەرۋ ۇيىمداستىرۋ يدەياسىن اۋدان جاستارى دا قولداپ, ٶزدەرٸنٸڭ ويلارىن ورتاعا سالعان.
«تۋدى ٷيلەردٸڭ قابىرعاسىنا ٸلۋ تۋرالى دا ايتىلىپ جاتتى. بٸراق اقىلداسا كەلە, تۋ ۇستاپ, اتقا قونۋدى دۇرىس دەپ تاپتىق. مەملەكەت باسشىسى ەلٸمٸزدٸڭ مەملەكەتتٸك رەمٸزدەرٸن, اتاپ ايتقاندا, قر مەملەكەتتٸك تۋىن كەڭٸنەن قولدانۋ تۋرالى ۇسىنىسىن قولدايتىنىن جەتكٸزدٸ. راسىمەن دە, رەمٸزدەر – باستى بايلىعىمىز. ول ەشقاشان دەرەجەسٸنەن تٷسپەۋٸ تيٸس. تورعايلىق جاستاردىڭ دا كٶزدەگەنٸ وسى بولدى. قازٸرگٸدەي قيىن ۋاقىتتا كٶپ ادام جيناۋعا بولمايدى. دەگەنمەن ەل ەڭسەسٸن كٶتەرەتٸن وسىنداي باستامالارعا جول اشىق», - دەيدٸ شەرۋگە قاتىسۋشىلاردىڭ بٸرٸ شىڭعىس تٶلەۋحان.
اتقا مٸنگەن جٸگٸتتەر اۋىل تۇرعىندارى مەن قوناقتارىنىڭ نازارىن اۋداردى. ۇيىمداستىرۋشىلاردىڭ ايتۋىنشا, شەرۋدٸ ۇيىمداستىرۋ كەزٸندە بارلىق سانيتارلىق تالاپتار ساقتالدى.
