بٷگٸن قوستانايدا 44 جاستاعى ەيەلدٸ اۆتوكٶلٸك قاعىپ كەتتٸ, دەپ حابارلايدى "ۇلت اقپارات" قوستاناي وبلىسى دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
بٷگٸن تاڭەرتەڭ تەۋەلسٸزدٸك جەنە بورودين كٶشەلەرٸنٸڭ قيىلىسىندا «ۆاز 2115» اۆتوكٶلٸگٸنٸڭ جٷرگٸزۋشٸسٸ ۆەلوسيپەد مٸنگەن ەيەلدٸ قاقتى. «جول اپاتى سالدارىنان 44 جاستاعى ۆەلوسيپەدشٸ ەيەل تٷرلٸ جاراقاتپەن اۋرۋحاناعا جەتكٸزٸلدٸ. ول سول جەردە قايتىس بولعان. جٷرگٸزۋشٸ وقيعا ورنىنان قاشىپ كەتكەن. قازٸرگٸ كەزدە كٷدٸكتٸ ۇستالدى», - دەپ تٷسٸندٸردٸ پوليتسييا دەپارتامەنتٸنەن.
جول اپاتى فاكتٸسٸ بويىنشا «ابايسىزدا ادام ٶلٸمٸنە ەكەپ سوققان جول قوزعالىسى ەرەجەلەرٸن بۇزۋ» بابىن قاراستىراتىن سوتالدى تەرگەۋ باستالدى.
ساراپتامالار تاعايىندالدى, ەرٸ قارايعى تەرگەۋ ەرەكەتتەرٸ جٷرٸپ جاتىر.
قوستاناي وبلىسى پوليتسييا دەپارتامەنتٸنٸڭ اقپاراتىنشا, جىلدىڭ باسىنان بەرٸ 104 جول-كٶلٸك وقيعاسى بولعان, سالدارىنان 26 ادام قايتىس بولىپ, 122 ادام زارداپ شەككەن.
