Búgin Qostanaida 44 jastaǵy áieldi avtokólik qaǵyp ketti, dep habarlaidy "Ult aqparat" Qostanai oblysy departamentiniń baspasóz qyzmetine silteme jasap.
Búgin tańerteń Táýelsizdik jáne Borodin kósheleriniń qiylysynda «Vaz 2115» avtokóliginiń júrgizýshisi velosiped mingen áieldi qaqty. «Jol apaty saldarynan 44 jastaǵy velosipedshi áiel túrli jaraqatpen aýrýhanaǵa jetkizildi. Ol sol jerde qaitys bolǵan. Júrgizýshi oqiǵa ornynan qashyp ketken. Qazirgi kezde kúdikti ustaldy», - dep túsindirdi politsiia departamentinen.
Jol apaty faktisi boiynsha «Abaisyzda adam ólimine ákep soqqan jol qozǵalysy erejelerin buzý» babyn qarastyratyn sotaldy tergeý bastaldy.
Saraptamalar taǵaiyndaldy, ári qaraiǵy tergeý áreketteri júrip jatyr.
Qostanai oblysy politsiia departamentiniń aqparatynsha, jyldyń basynan beri 104 jol-kólik oqiǵasy bolǵan, saldarynan 26 adam qaitys bolyp, 122 adam zardap shekken.
