قوستاناي قالاسى ەكٸمٸنٸڭ ورىنباسارى رٷستەم كاركەنوۆ وبلىس ورتالىعىندا قانداي جاعدايدا كارانتين جارييالانۋى مٷمكٸن ەكەنٸن تٷسٸندٸردٸ, دەپ حابارلايدى قازاقپارات.
«قوستاناي قالاسىنداعى سانيتارلىق بەكەتتەر ادامداردىڭ ارى-بەرٸ جٷرۋٸنە شەكتەۋ قويمايدى. قالادا كارانتين رەجٸمٸن جارييالاۋ ٷشٸن قالادا كوروناۆيرۋس جۇقتىرۋدىڭ بٸرنەشە جاعدايى تٸركەلۋٸ كەرەك. الايدا ۆيرۋستىڭ تٸركەلۋٸن كٷتپەي-اق سانيتارلىق باقىلاۋدى كٷشەيتكٸمٸز كەلەدٸ. وسى ماقساتتا قالانى اينالا بلوك بەكەتتەردٸ ورناتىپ جاتىرمىز», - دەدٸ رٷستەم كاركەنوۆ ايماقتىق كوممۋنيكاتسييالىق قىزمەتٸندە ٶتكەن باسپاسٶز مەسليحاتىندا.
قالا ەكٸمٸنٸڭ ورىنباسارى قوستانايدا ورناتىلاتىن 7 بلوك بەكەتتە ادامداردىڭ تەمپەراتۋراسى ٶلشەنەتٸنٸن ايتىپ ٶتتٸ.
«ەزٸرگە بٸزدە تەپلوۆيزور جوق. ەندٸ عانا ساتىپ الىپ جاتىرمىز. ەيتسە دە ەربٸر سانيتارلىق بەكەتتە تەمپەراتۋرا ەزٸرگە گرادۋسنيكتەرمەن ٶلشەنەدٸ. ەگەر ەربٸر ادام ٶزٸنٸڭ گرادۋسنيگٸمەن قىزۋىن تەكسەرتكٸسٸ كەلسە, ول ونى پايدالانا الادى. سونىمەن قاتار بلوك بەكەتتەردە ەلدەگٸ تٶتەنشە جاعدايلار كەزٸندەگٸ شەكتەۋ شارالارى قاداعالانادى. اتاپ ايتقاندا ماسكا كيٸپ جٷرۋ, 22.00-دەن كەيٸن جٷرمەۋ سەكٸلدٸ تالاپتار ساقتالادى», - دەدٸ ول.
رٷستەم كاركەنوۆ سانيتارلىق تالاپتاردى بۇزعاندارعا ەكٸمشٸلٸك جاۋاپكەرشٸلٸك بارىن ەسكەرتتٸ.
«بەرٸ دە بۇل ٸستٸڭ بەرٸ تۇرعىنداردىڭ اماندىعى ٷشٸن جاسالىپ جاتقانىن تٷسٸنۋٸ كەرەك. وسىلايشا بٸز قالادا كوروناۆيرۋس ينفەكتسيياسىنىڭ تٸركەلۋٸنە, جاپپاي تارالۋىنا شەكتەۋ قويا الامىز», - دەدٸ ول.
ايتا كەتسەك بۇعان دەيٸن قوستاناي قالاسى ەكٸمٸنٸڭ ورىنباسارى رٷستەم كاركەنوۆ بٷگٸن ساعات تٷنگٸ وننان باستاپ قالاداعى ٷش بلوك بەكەت جۇمىسىن باستايتىنىن مەلٸم ەتكەن ەدٸ.
