قوستاناي قالاسىندا بٸر ٷيدٸڭ ٷيدٸڭ اۋلاسىنداعى قورا ٶرتەنٸپ, ٸشتەگٸ مال تٸرٸدەي جانىپ كەتتٸ, دەپ حابارلايدى "ۇلت اقپارات" قوستاناي وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
4 ماۋسىمدا ساعات 14:09-دا قوستاناي وبلىستىق تجد نٶمٸرٸنە تسۆەتونايا كٶشەسٸندە 150 شارشى مەتر اۋماقتا قورا ٶرتەنٸپ جاتقانى تۋرالى حابارلاما كەلٸپ تٷسكەن. ٶرت سٶندٸرۋشٸلەر وقيعا ورنىنا ساعات 14:57-دە كەلٸپ, جالىندى سٶندٸرۋگە كٸرٸستٸ.
«ٶرتتٸڭ جاقىن تۇرعان جەكەمەنشٸك ٷيدٸڭ بارلىق اۋماعىنا, سونداي-اق كٶرشٸ ٷيگە تارالىپ كەتۋٸ مٷمكٸن ەدٸ. جالىنمەن كٷرەستە ٶرت سٶندٸرۋ قىزمەتٸ جەكە قۇرامىنىڭ 15 مامانى مەن 4 تەحنيكاسى جۇمىلدىرىلدى. قورادان باسقا, ونىڭ ٸشٸندە تۇرعان مال – بٸر جىلقى مەن 12 قوي ٶرتەنٸپ كەتتٸ. سونداي-اق, ٶرت كەزٸندە سوندا جٷرگەن جالدامالى جۇمىسشى زارداپ شەكتٸ. بەتٸ مەن قولى كٷيگەن ول اۋرۋحاناعا بارۋدان باس تارتتى», - دەپ حابارلادى تجد-دان.
ٶرتتٸڭ شىعۋ سەبەبٸ انىقتالىپ جاتىر. قورا ٶرتەنگەندە يەلەرٸ ٷيدە بولىپ, ول تۋرالى بٸلمەگەن. ٶرت سٶندٸرۋشٸلەر جالىندى ساعات 15:19-دا تولىق سٶندٸردٸ.
