Qostanai qalasynda bir úidiń úidiń aýlasyndaǵy qora órtenip, ishtegi mal tiridei janyp ketti, dep habarlaidy "Ult aqparat" Qostanai oblystyq Tótenshe jaǵdailar departamentiniń baspasóz qyzmetine silteme jasap.
4 maýsymda saǵat 14:09-da Qostanai oblystyq TJD nómirine Tsvetonaia kóshesinde 150 sharshy metr aýmaqta qora órtenip jatqany týraly habarlama kelip túsken. Órt sóndirýshiler oqiǵa ornyna saǵat 14:57-de kelip, jalyndy sóndirýge kiristi.
«Órttiń jaqyn turǵan jekemenshik úidiń barlyq aýmaǵyna, sondai-aq kórshi úige taralyp ketýi múmkin edi. Jalynmen kúreste órt sóndirý qyzmeti jeke quramynyń 15 mamany men 4 tehnikasy jumyldyryldy. Qoradan basqa, onyń ishinde turǵan mal – bir jylqy men 12 qoi órtenip ketti. Sondai-aq, órt kezinde sonda júrgen jaldamaly jumysshy zardap shekti. Beti men qoly kúigen ol aýrýhanaǵa barýdan bas tartty», - dep habarlady TJD-dan.
Órttiń shyǵý sebebi anyqtalyp jatyr. Qora órtengende ieleri úide bolyp, ol týraly bilmegen. Órt sóndirýshiler jalyndy saǵat 15:19-da tolyq sóndirdi.
