قوستانايدا جۋكوۆسكيي كٶشەسٸ بويىنداعى «تەاترالنىي» ارالاس تاۋارلار دٷكەنٸندە ٶرت شىقتى, دەپ حابارلايدى "ۇلت اقپارات" وبلىستىڭ تجد باسپاسٶز قىزمەتٸنە سٸلتەمە جاساپ.
ۆەدومستۆو اتاپ ٶتكەندەي, عيمارات – 150 شارشى مەتر اۋداندا ورنالاسقان بٶلەك بٸر قاباتتى قۇرىلىس.
«ٶرت بولعان جەردەگٸ قيىن جاعداي قوسىمشا كٷشتەردٸ تالاپ ەتتٸ. 12:14-تە وقيعا ورنىنا ٶرت سٶندٸرۋشٸلەر جەتتٸ. قوستاناي وبلىسى تجد ٶرت سٶندٸرۋ قىزمەتٸنٸڭ كٷشتەرٸ مەن قۇرالدارى, اتاپ ايتقاندا جەكە قۇرامنىڭ 32 قىزمەتكەرٸ مەن 8 تەحنيكاسى جۇمىلدىرىلدى. تۇتانۋ كەزٸندە شاتىر وتقا ورانعان, قويما مەن ونداعى جيھازدار ٶرتەنٸپ جاتقان. قاتتى جەل وتتىڭ كٶرشٸ عيماراتتارعا كٶشۋ قاۋپٸن تۋدىردى», - دەپ تٷسٸندٸردٸ دەپارتامەنتتەن.
ٶرت سٶندٸرۋشٸلەردٸڭ سٶزدەرٸنشە, جارىلىستىڭ الدىن الۋ ٷشٸن ولار عيماراتتان ەكٸ وتتەگٸ باللونىن شىعارعان.
«ولار شىققان سەتتە عيماراتتىڭ شاتىرى وپىرىلىپ تٷسكەن. قازٸرگٸ كەزدە ٶرتتٸڭ سەبەبٸ انىقتالۋدا. سەتٸن سالعاندا, قۇرباندار مەن زارداپ شەككەندەر بولمادى. ٶرت 14:36-دا اۋىزدىقتالدى», - دەپ تٷيٸندەدٸ تجد.
