Qostanaida Jýkovskii kóshesi boiyndaǵy «Teatralnyi» aralas taýarlar dúkeninde órt shyqty, dep habarlaidy "Ult aqparat" oblystyń TJD baspasóz qyzmetine silteme jasap.
Vedomstvo atap ótkendei, ǵimarat – 150 sharshy metr aýdanda ornalasqan bólek bir qabatty qurylys.
«Órt bolǵan jerdegi qiyn jaǵdai qosymsha kúshterdi talap etti. 12:14-te oqiǵa ornyna órt sóndirýshiler jetti. Qostanai oblysy TJD órt sóndirý qyzmetiniń kúshteri men quraldary, atap aitqanda jeke quramnyń 32 qyzmetkeri men 8 tehnikasy jumyldyryldy. Tutaný kezinde shatyr otqa oranǵan, qoima men ondaǵy jihazdar órtenip jatqan. Qatty jel ottyń kórshi ǵimarattarǵa kóshý qaýpin týdyrdy», - dep túsindirdi departamentten.
Órt sóndirýshilerdiń sózderinshe, jarylystyń aldyn alý úshin olar ǵimarattan eki ottegi ballonyn shyǵarǵan.
«Olar shyqqan sátte ǵimarattyń shatyry opyrylyp túsken. Qazirgi kezde órttiń sebebi anyqtalýda. Sátin salǵanda, qurbandar men zardap shekkender bolmady. Órt 14:36-da aýyzdyqtaldy», - dep túiindedi TJD.
