بىلتىر قوستاناي قالاسى ەكٸمدٸگٸنٸڭ جۇمىسپەن قامتۋ بٶلٸمٸنە 7 165 ادام جٷگٸنگەن. بۇل تۋرالى بٷگٸن قالا ەكٸمٸ بازىل جاقىپوۆ تۇرعىندارعا ەسەپ بەرۋ كەزدەسۋٸندە ايتتى. بۇل تۋرالى قازاقپارات حابارلادى.
2017 جىلى «كەسٸپكەرلٸكتٸ قولداۋ كارتاسى» بويىنشا قالادا 7 ينۆەستيتسييالىق جوبا جٷزەگە اسىرىلعان. بۇل جوبالارعا 13 ملرد تەڭگە جۇمسالدى. مۇنىڭ سىرتىندا 308 شاعىن نىسان پايدالانۋعا بەرٸلٸپ, بارلىعى 570 جاڭا جۇمىس ورنى اشىلدى. الايدا, قالاداعى جۇمىسسىزدىق كٶرسەتكٸشٸ ەلٸ دە تٶمەندەر ەمەس.
«بىلتىر ەكٸمدٸكتٸڭ جۇمىسپەن قامتۋ بٶلٸمٸنە 7 165 ادام جۇمىس سۇراپ كەلگەن. جالپى, قالادا 5 895 ادام جۇمىسسىزدار ساناتىنا كٸرەدٸ. تۇرعىندارعا ەلەۋمەتتٸك قولداۋ كٶرسەتۋ بويىنشا جاڭا جۇمىس ورىندارىن اشۋ كٶزدەلگەن. بيىل تاعى 6 ٸرٸ ينۆەستيتسييالىق جوبا قولعا الىنباق. بۇل تۇستا جەكە ينۆەستورلاردىڭ كٶمەگٸ زور. مەسەلەن, بىلتىر «مارت» ساۋدا ورتالىعىنىڭ قاسىنان سالىنعان «McDonald's» مەيرامحاناسى 100 قوستانايلىقتى جۇمىسقا الدى. كەسٸپكەر ٶز قالتاسىنان 800 ملن تەڭگەگە جۋىق قارجى شىعاردى», - دەدٸ قالا ەكٸمٸ.
بازىل جاقىپوۆتىڭ ايتۋىنشا, نەتيجەلٸ جۇمىسپەن قامتۋ باعدارلاماسى اياسىندا 1 370 تۇرعىن تۇراقتى جۇمىس تاپتى. مۇنىڭ سىرتىندا, 338 وتباسىعا ەلەۋمەتتٸك كٶمەك ۇسىنىلدى. بۇعان بيۋدجەتتەن 26 ملن تەڭگە قاراستىرىلدى.
«قالادا 6 889 مٷمكٸندٸگٸ شەكتەۋلٸ جان تۇرادى. ولاردىڭ شيپاجايدا ەم الۋىنا جاعداي جاسالىنىپ كەلەدٸ. الداعى ۋاقىتتا ينۆاتاكسيلەردٸ تسيفرلاندىرۋ بويىنشا بٸرنەشە جوبانى ٸسكە اسىرماقپىز. اتاپ ايتقاندا, قامكٶڭٸل جاندار ٷشٸن موبيلدٸ قوسىمشا جاسالىنىپ جاتىر. ولار قالداعى ينۆاتاكسيلەردٸڭ باعىتىن سمارتفوندار ارقىلى باقىلاپ, شاقىرا الادى. قالادا ينۆاتاكسي قىزمەتٸنە 600 ادام جٷگٸنەدٸ», - دەيدٸ جاقىپوۆ.
قالا ەكٸمٸ ايتقانداي, ۇلى وتان سوعىسى ارداگەرلەرٸ دە ەلەۋمەتتٸك كٶمەكتەردەن تىس قالمايدى. بٷگٸندە قالاداعى 982 سوعىس ارداگەرٸنە اي سايىن تۇرمىستىق تەحنيكالارعا سەرتيفيكاتتار بەرٸلٸپ وتىرادى. 2017 جىلى بۇل شاراعا 92 ملن تەڭگە بٶلٸنگەن.
