كٶرنەكٸ سۋرەت: قر تجم
بٷگٸن, 11 قازاندا تاڭعى ساعات 04.29-دا قوستاناي وبلىسى جٸتٸقارا قالاسىندا جەكە تۇرعىن ٷيدەن ٶرت شىعىپ, سالدارىنان شاتىرى وپىرىلعان. بۇل تۋرالى ٶڭٸر ەكٸمدٸگٸنە سٸلتەمە جاساعان Ult.kz حابارلايدى.
وقيعا ورنىنا 7 مينۋت ٸشٸندە قۇتقارۋشىلار كەلٸپ جەتكەنشە ٷي تولىعىمەن وتقا ورانعان. ٶرتسٶندٸرۋشٸلەر تەز ارادا ٶرتتٸ سٶندٸرٸپ, ٷيٸندٸلەردٸ تازارتۋعا كٸرٸستٸ. ساعات 06:08-دە ٶرت وقشاۋلانىپ, تولىعىمەن سٶندٸرٸلدٸ.
اپات كەزٸندە ٷيدە ەرەسەكتەردٸڭ قاراۋىنسىز 2011, 2016, 2018, 2019, 2022, 2023 جىلعى كەمەلەتكە تولماعان بالالار بولعان. ٶكٸنٸشكە قاراي ٷيٸندٸلەردٸ تازارتۋ بارىسىندا بەس بالانىڭ دەنەسٸ تابىلدى. بالالاردىڭ ٷلكەنٸ, 2011 جىلى تۋعان بالا عانا امان, زارداپ شەكپەگەن.
كەيٸنٸرەك تٶتەنشە جاعدايدىڭ الدىن الا سەبەبٸ ايتىلدى. قر باس پروكۋراتۋراسىنىڭ Telegram-داعى حابارلاماسىنا سەيكەس, ٶرتتٸڭ الدىن-الا سەبەبٸ – پەشتٸ قاراۋسىز قالدىرۋ.
