قر پرەمەر-مينيسترٸ ەليحان سمايىلوۆ قوستاناي وبلىسىنداعى الاپات تابيعي ٶرتتەردٸڭ سالدارىن جويۋ مەسەلەلەرٸ بويىنشا جەدەل كەڭەس ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
تٶتەنشە جاعدايلار بٸرٸنشٸ ۆيتسە-مينيسترٸ يبراگيم كٷلشٸمباەۆ كٷردەلٸ مەتەورولوگييالىق جاعدايعا, اۋا تەمپەراتۋراسىنىڭ 36 گرادۋستان اسۋىنا بايلانىستى قوستاناي وبلىسىندا, ەسٸرەسە ورمان القاپتارىندا كٷردەلٸ ٶرت جاعدايى قالىپتاسقانىن باياندادى. 43 مىڭ گا ورمان شارۋاشىلىعى ٶرتكە وراندى.
قازٸرگٸ ۋاقىتتا 1 841 ادام قاۋٸپسٸز جەرگە كٶشٸرٸلٸپ, ىستىق تاماقپەن قامتاماسىز ەتٸلدٸ. جەدەل جەلٸ اشىلىپ, زارداپ شەككەندەرمەن پسيحولوگتار جۇمىس ٸستەپ جاتىر. 10 ادام زارداپ شەكتٸ, بٸر ادام قايتىس بولدى.
108 ٷي-جاي جويىلىپ, بٷلٸنگەن. ٶرت سٶندٸرۋگە جەكە قۇرامنان 600-دەن استام ادام جەنە 100-گە جۋىق تەحنيكا جۇمىلدىرىلدى. تٸكۇشاقتار ٸسكە قوسىلدى. جەدەل شتاب جۇمىس ٸستەپ جاتىر, قر تجم باسشىسى وقيعا ورنىندا جٷر.
ٷكٸمەت باسشىسى تٶتەنشە جاعدايلار, يندۋسترييا جەنە ينفراقۇرىلىمدىق دامۋ, اۋىل شارۋاشىلىعى, قارجى مينيسترلٸكتەرٸنە جەنە قوستاناي وبلىسىنىڭ ەكٸمدٸگٸنە تۇرعىندار مەن اۋىل شارۋاشىلىعىنا كەلتٸرٸلگەن زالالدى باعالاۋدى تاپسىردى.
قارجى جەنە ۇلتتىق ەكونوميكا مينيسترلٸگٸنە ٷكٸمەتتٸڭ رەزەرۆٸنەن ٶرتتەن كەلتٸرٸلگەن زالالدى ٶتەۋگە قاراجات بٶلۋ تۋرالى قاۋلى جوباسىن دايىنداۋ تاپسىرىلدى.
سونىمەن قاتار ەليحان سمايىلوۆ باسپاناسىنان ايىرىلعان ازاماتتار ٷشٸن جاڭا تۇرعىن ٷيلەر سالۋ جۇمىسىن شۇعىل باستاۋدى تاپسىردى.
«قۇرىلىستى قىسقا مەرزٸمدە اياقتاۋ ٷشٸن جەدەل جۇمىس ٸستەۋٸمٸز كەرەك. بۇل مەسەلە – پرەزيدەنتتٸڭ جەكە باقىلاۋىندا», — دەدٸ ەليحان سمايىلوۆ.
سونىمەن قاتار يندۋسترييا جەنە ينفراقۇرىلىمدىق دامۋ مينيسترلٸگٸنە قوستاناي وبلىسىنىڭ زارداپ شەككەن اۋداندارىندا كٶلٸك قاتىناسىن قالپىنا كەلتٸرۋ جەنە بارلىق ينجەنەرلٸك جەنە ينفراقۇرىلىمدىق وبەكتٸلەردٸڭ ٷزدٸكسٸز جۇمىس ٸستەۋٸن قامتاماسىز ەتۋ تاپسىرىلدى.
اۋىل شارۋاشىلىعى مينيسترلٸگٸنە وبلىس ەكٸمدٸگٸمەن بٸرلەسٸپ, قاجەت بولعان جاعدايدا زارداپ شەككەن فەرمەرلەرگە جەنە جەكە قوسالقى شارۋاشىلىق يەلەرٸنە كٶمەك كٶرسەتۋ تاپسىرىلدى.
سونداي-اق ەليحان سمايىلوۆ دەنساۋلىق ساقتاۋ مينيسترلٸگٸنە زارداپ شەككەندەرگە قاجەتتٸ مەديتسينالىق كٶمەك كٶرسەتۋدٸ, ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە وبلىس ەكٸمدٸگٸمەن بٸرلەسٸپ, ەلەۋمەتتٸك كٶمەك كٶرسەتۋدٸ, ٸشكٸ ٸستەر مينيسترلٸگٸنە ەۆاكۋاتسييا ايماقتارىندا ازاماتتاردىڭ قوعامدىق قاۋٸپسٸزدٸگٸن جەنە مٷلكٸنٸڭ بٷلٸنبەۋٸن قامتاماسىز ەتۋدٸ, سونداي-اق حالىق اراسىندا وتتى ابايسىز پايدالانعانى ٷشٸن جاۋاپكەرشٸلٸك تۋرالى تٷسٸندٸرۋ جۇمىستارىن كٷشەيتۋدٸ تاپسىردى.
